News Continuous Bureau | Mumbai
Shahrukh khan:શાહરૂખ ખાનની ફિલ્મ જવાનનો ક્રેઝ ચાહકોમાં સતત જોવા મળી રહ્યો છે. 7 સપ્ટેમ્બરે દુનિયાભરના સિનેમાઘરોમાં રિલીઝ થયેલી આ ફિલ્મ શાનદાર કમાણી કરીને ઘણા રેકોર્ડ તોડી રહી છે. ફિલ્મ રિલીઝ થયાને 10 દિવસ વીતી ગયા છે અને જવાનનો ચાર્મ હજુ પણ યથાવત છે. દરમિયાન, શાહરૂખ ખાને રવિવારે મુંબઈમાં તેના બંગલા મન્નત માંથી બહાર આવીને તેના ચાહકોને એક મોટું સરપ્રાઈઝ આપ્યું હતું. તેને જોવા માટે મન્નત ની બહાર હજારો લોકો એકઠા થયા હતા. અભિનેતાને જોઈને ચાહકો દિવાના થઈ ગયા.
શાહરુખ ખાને માન્યો ચાહકો નો આભાર
જવાનની સફળતા બાદ શાહરૂખ ખાન સાતમા આસમાને છે. પોતાની નવી ફિલ્મ માટે મળેલા પ્રેમ બદલ ચાહકોનો આભાર માનતા અભિનેતાએ પોતાના ઘર મન્નતની બહાર આવીને લોકોને શુભેચ્છા પાઠવી હતી. રવિવારે સાંજે, કિંગ ખાને તેના ઘરની બહાર એકઠા થયેલા ચાહકોને હાથ લહેરાવ્યા અને હાથ જોડીને અને અંગૂઠો બતાવીને તેના સિગ્નેચર પોઝ દ્વારા તેમના પર પ્રેમ વરસાવ્યો.બ્લુ ટી-શર્ટ અને જીન્સ પહેરીને શાહરૂખ ખૂબ જ ડેશિંગ લાગતો હતો. શાહરૂખને જોઈને તેના ઘરની બહાર હાજર ફેન્સ પાગલ થઈ ગયા અને બૂમો પાડીને અભિનેતાનું સ્વાગત કર્યું. તેના ઘણા વીડિયો અને ફોટો સોશિયલ મીડિયા પર ઝડપથી વાયરલ થઈ રહ્યા છે.
જવાન ની કમાણી
તમને જણાવી દઈએ કે શાહરૂખ ખાનની ફિલ્મ જવાન સૌથી ઝડપી સમયમાં 400 કરોડ રૂપિયાની કમાણી કરનાર પ્રથમ ફિલ્મ બની ગઈ છે. આ સાથે જ ફિલ્મે 10મા દિવસે પણ બમ્પર કમાણી કરીને શાનદાર કલેક્શન કર્યું છે.જવાને અત્યાર સુધીમાં વિશ્વભરમાં રૂ. 750 કરોડની કમાણીનો આંકડો પાર કર્યો છે અને રૂ. 800 કરોડના આંકડાની નજીક પહોંચી ગયો છે. ભારતમાં, આ ફિલ્મ તેના બીજા વીકએન્ડમાં પણ મજબૂત છે અને તેની રિલીઝના 10મા દિવસ સુધી તેણે 439 કરોડ રૂપિયાનું કલેક્શન કર્યું છે.
આ સમાચાર પણ વાંચો : gadar 2: સની દેઓલ ની ફિલ્મ ગદર 2 ની OTT રીલિઝ ની જાણ થતાં જ, પ્રેક્ષકો એ થિયેટર થી કર્યો કિનારો, થઈ અત્યાર સુધીની સૌથી ઓછી કમાણી
