News Continuous Bureau | Mumbai
Jawan: શાહરૂખ ખાન, નયનતારા અને વિજય સેતુપતિ સ્ટારર ફિલ્મ ‘જવાન’ આ દિવસોમાં ચર્ચામાં છે. આ ફિલ્મનું ટ્રેલર રિલીઝ થઈ ગયું છે. આ ટ્રેલરમાં ફિલ્મના હીરો, વિલન અને અનેક સહાયક પાત્રો વચ્ચે એક અભિનેત્રીનો એવો લુક જોવા મળ્યો કે ચાહકો આશ્ચર્યચકિત થઈ ગયા. શાહરૂખ ખાન કરતા 19 વર્ષ નાની આ અભિનેત્રી વૃદ્ધ મહિલા ના રોલમાં જોવા મળી રહી છે. ઘણા મીડિયા રિપોર્ટ્સમાં દાવો કરવામાં આવી રહ્યો છે કે ફિલ્મમાં 38 વર્ષની ઉંમરમાં આ એક્ટ્રેસ 57 વર્ષના શાહરૂખની માતા બની છે.
ફિલ્મ જવાન માં રિદ્ધિ ડોગરા બની શાહરુખ ખાન ની માતા
વાસ્તવમાં, શાહરૂખ ખાનની ફિલ્મ ‘જવાન’ના ટ્રેલરમાં થોડીક સેકન્ડનું એક દ્રશ્ય બતાવવામાં આવ્યું છે, જેમાં શાહરૂખ સફેદ શર્ટ અને કાળું પેન્ટ પહેરીને ખૂબ જ યુવાન દેખાઈ રહ્યો છે અને તેની બાજુમાં બેઠેલી એક વૃદ્ધ મહિલા કંઈક કહી રહી છે. રસપ્રદ વાત એ છે કે આ વૃદ્ધ મહિલા માત્ર 38 વર્ષની પ્રખ્યાત ટીવી અભિનેત્રી છે. એક ન્યૂઝ વેબસાઈટ ના એક રિપોર્ટ અનુસાર, 38 વર્ષની ઉંમરે આ ટીવી બ્યુટી ફિલ્મ ‘જવાન’માં શાહરૂખ ખાનની માતાની ભૂમિકા ભજવશે. જો તમે ઓળખી શક્યા ન હોવ તો તમને જણાવી દઈએ કે તે બીજું કોઈ નહીં પરંતુ અભિનેત્રી રિદ્ધિ ડોગરા છે. જે ‘જવાન’ના ટ્રેલરમાં સાવ અલગ દેખાઈ રહી છે.શાહરૂખથી 19 વર્ષ નાની રિદ્ધિ ડોગરાને ‘જવાન’માં તેની માતાની ભૂમિકા નિભાવતી જોઈને દર્શકો આશ્ચર્યચકિત થઈ ગયા છે. ઘણા લોકો આ દ્રશ્ય પચાવી શકતા નથી. રિદ્ધિના કેટલાક ફેન્સ પણ તેના નિર્ણય થી દુખી છે. જોકે આ મામલે અભિનેત્રી તરફથી કોઈ નિવેદન આવ્યું નથી. બીજી તરફ, ‘જવાન’માં રિદ્ધિ ખરેખર શાહરૂખની માતા બની છે કે નહીં તે તો ફિલ્મ રિલીઝ થયા પછી જ ખબર પડશે.
Jawan: ridhi dogra play shah rukh khan mother in film jawan
ટીવી સ્ટાર છે રિદ્ધિ ડોગરા
રિદ્ધિ ડોગરા નાના પડદાની જાણીતી અભિનેત્રી છે. તેણે ‘યે હૈ આશિકી’, ‘દિયા ઔર બાતી હમ’ અને ‘કુમકુમ ભાગ્ય’ જેવા ટીવી શોમાં કામ કર્યું છે. આ સિવાય તે ‘અસુર’, ‘ધ મેરિડ વુમન’ અને ‘પિચર્સ’ જેવી વેબ સિરીઝમાં પણ જોવા મળી છે. મીડિયા રિપોર્ટ્સ અનુસાર, ‘જવાન’ બાદ તે ‘ટાઈગર 3’માં પણ કામ કરતી જોવા મળશે.
આ સમાચાર પણ વાંચો : Jawan trailer: બુર્જ ખલીફા પર ચમક્યો શાહરુખ ખાન, ‘જવાન’ના ટ્રેલરે મચાવી ધૂમ, જુઓ વિડીયો
