News Continuous Bureau | Mumbai
Jennifer Winget Wedding 2026 લોકપ્રિય ટેલિવિઝન અભિનેત્રી જેનિફર વિંગેટ (Jennifer Winget) પોતાના અંગત જીવનને લઈને ફરી એકવાર ચર્ચાના કેન્દ્રમાં આવી છે. મીડિયા અહેવાલો અનુસાર, જેનિફર આવતીકાલે એટલે કે ૧૬ જુલાઈ ૨૦૨૬ ના રોજ તેના લોન્ગ ટાઈમ બોયફ્રેન્ડ વિલિયમ ઇશમાએલ (William Ishmael) સાથે લગ્નગ્રંથિથી જોડાવા માટે સંપૂર્ણપણે તૈયાર છે. આ લગ્ન ભારતની બહાર યુનાઇટેડ કિંગડમ (UK) માં યોજાશે, જેમાં માત્ર બંને પરિવારના અંગત સભ્યો અને ખાસ મિત્રો જ હાજરી આપશે. તેઓ બંને સંપૂર્ણપણે ક્રિશ્ચિયન રીતિરિવાજ મુજબ લગ્ન કરશે.
Jennifer Winget Wedding 2026 – ફેમસ ડિઝાઈનર ‘કાર્લિયો’ ના વ્હાઈટ વેડિંગ ગાઉનમાં સજશે જેનિફર
મીડિયા રિપોર્ટ મુજબ, જેનિફર તેના આ યાદગાર અને ખાસ દિવસે પ્રખ્યાત ઈન્ટરનેશનલ ડિઝાઈનર ‘કાર્લિયો’ (Carlio) દ્વારા ડિઝાઈન કરાયેલું ખૂબ જ સુંદર બ્રાઈડલ વ્હાઈટ ગાઉન પહેરશે. વિતેલા લાંબા સમયથી જેનિફર અને વિલિયમ એકબીજાને ડેટ કરી રહ્યા હોવાની ચર્ચાઓ મનોરંજન જગતમાં ચાલી રહી હતી, પરંતુ બંનેએ ક્યારેય સત્તાવાર પુષ્ટિ કરી નહોતી. હવે સીધા લગ્નના અહેવાલો સામે આવતા ચાહકો અને ટેલિવિઝન ઇન્ડસ્ટ્રીના સેલેબ્સ સોશિયલ મીડિયા પર આ કપલને શુભેચ્છાઓ પાઠવી રહ્યા છે.
Jennifer Winget Wedding 2026 – કોણ છે જેનિફરના થનારા પતિ વિલિયમ ઇશમાએલ?
જેનિફરના થનારા પતિ વિલિયમ ઇશમાએલ સિંગાપોર સ્થિત એક સફળ અને જાણીતા બિઝનેસમેન (Businessman) છે. તેઓ હાલમાં એમએચસી ડિજિટલ ગ્રૂપમાં (MHC Digital Group) બિઝનેસ ડેવલપમેન્ટ અને ટ્રેડિંગ ડિરેક્ટર તરીકે કાર્યરત છે. તેમની લિંક્ડઇન પ્રોફાઇલ દર્શાવે છે કે તેઓ ઓક્ટોબર ૨૦૨૨ થી આ કંપની સાથે જોડાયેલા છે. આ પૂર્વે તેમણે ફાઇનાન્સ ક્ષેત્રે અગ્રણી યુબીએસ (UBS) ઇન્વેસ્ટમેન્ટ બેંક સાથે લગભગ એક દાયકા સુધી કામ કર્યું છે. તેમણે વર્ષ ૨૦૦૫ માં કેનેડાની યોર્ક યુનિવર્સિટીમાંથી ઇકોનોમિક્સ અને ફાઇનાન્સમાં પોતાની બેચલર ડિગ્રી પૂર્ણ કરી હતી
Jennifer Winget Wedding 2026 – અભિનેતા કરણ સિંહ ગ્રોવર સાથે થયા હતા પ્રથમ લગ્ન
અત્રે ઉલ્લેખનીય છે કે, જેનિફર વિંગેટે અગાઉ વર્ષ ૨૦૧૨ માં ‘દિલ મિલ ગયે’ શોના તેના કો-સ્ટાર અને અભિનેતા કરણ સિંહ ગ્રોવર (Karan Singh Grover) સાથે લગ્ન કર્યા હતા. જો કે, આ લગ્નજીવન માત્ર બે વર્ષ જ ટકી શક્યું હતું અને ૨૦૧૪ માં બંને પરસ્પર સંમતિથી અલગ થઈ ગયા હતા. છૂટાછેડા બાદ જેનિફરે પોતાનું સંપૂર્ણ ધ્યાન કરિયર પર કેન્દ્રિત કર્યું હતું. તેણે ‘કસૌટી ઝિંદગી કી’, ‘સરસ્વતીચંદ્ર’ અને ‘બેપનાહ’ જેવા સુપરહિટ શો આપ્યા છે, જ્યારે ટૂંક સમયમાં તે પરિણીતી ચોપરા સાથે તેના અપકમિંગ ડિજિટલ પ્રોજેક્ટ ‘તલાશ: એ મધર્સ સર્ચ’ (Talaash) માં જોવા મળશે.
