News Continuous Bureau | Mumbai
Kantara Chapter 1: ઋષભ શેટ્ટી ની ફિલ્મ ‘કાંતારા: ચેપ્ટર 1’ 2 ઓક્ટોબરે રિલીઝ થઈ હતી અને હવે માત્ર ચાર અઠવાડિયામાં 31 ઓક્ટોબરે અમેઝોન પ્રાઈમ વિડીયો પર આવી રહી છે. આ ઝડપથી થતી OTT રિલીઝને લઈને ટ્રેડ એનાલિસ્ટ્સ આશ્ચર્યચકિત હતા. હવે હોમબાલે ફિલ્મ્સના પાર્ટનર ચાલુવે ગૌડાએ આ અંગે સ્પષ્ટતા આપી છે.
આ સમાચાર પણ વાંચો : Kantara Chapter 1: ‘કાંતારા: ચેપ્ટર 1’ ની ઓટિટિ રિલીઝ ને લઈને આવ્યું મોટું અપડેટ, જાણો ક્યારે અને ક્યાં જોઈ શકશો રિષભ શેટ્ટી ની ફિલ્મ
ત્રણ વર્ષ જૂનો ડિજિટલ કરાર
ચાલુવે ગૌડાએ એક મીડિયા હાઉસ સાથે વાતચીતમાં જણાવ્યું કે “આ રિલીઝ ત્રણ વર્ષ જૂના કરારના આધારે થઈ રહી છે. તે સમયે OTT રિલીઝ માટે 4 અઠવાડિયાની વિન્ડો સામાન્ય હતી. હવે દક્ષિણ ભારતીય ભાષાઓ – તમિલ, તેલુગુ, કન્નડ અને મલયાલમમાં ફિલ્મ રિલીઝ થશે. હિન્દી વર્ઝન 8 અઠવાડિયા પછી આવશે.”ગૌડાએ કહ્યું કે “કુલી જેવી મોટી ફિલ્મ પણ હવે ચાર અઠવાડિયામાં OTT પર આવી રહી છે. છતાં, કાંતારા જેવી ફિલ્મો થિયેટરોમાં લાંબા સમય સુધી ચાલે છે. OTT રિલીઝ થવા છતાં, ફિલ્મની થિયેટર પર્ફોર્મન્સ પર કોઈ અસર નહીં થાય.”
‘કાંતારા: ચેપ્ટર 1’એ અત્યાર સુધી 592.85 કરોડની કમાણી કરી છે. ફિલ્મમાં ઋષભ શેટ્ટી, ગુલશન દેવૈયા, રુક્મિણી વસંત અને જયરામ જેવા કલાકારો છે. ફિલ્મે ‘છાવા’ જેવી હિન્દી ફિલ્મને પાછળ છોડી 2025ની ટોચની કમાણી કરનાર ફિલ્મ બની છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
