News Continuous Bureau | Mumbai

KBC 16:  ‘કોન બનેગા કરોડપતિ’ (KBC) ના સેટ પર આ વખતે હાસ્ય અને મજાકનો માહોલ જોવા મળ્યો. પોતાની આગામી ફિલ્મનું પ્રમોશન કરવા પહોંચેલા કાર્તિક આર્યન અને અનન્યા પાંડેએ હોસ્ટ અમિતાભ બચ્ચનને જ એવા સવાલો પૂછ્યા કે તેઓ પોતાની હસી રોકી શક્યા નહીં. કાર્તિકે અમિતાભને જયા બચ્ચન અને તેમના ફોન પાસવર્ડ વિશે પૂછીને પરેશાન કરી દીધા હતા.

આ સમાચાર પણ વાંચો : Shilpa Shetty: શિલ્પા શેટ્ટીના બિઝનેસમાં મુશ્કેલી: બૅન્ગ્લોરમાં રેસ્ટોરન્ટ વિરુદ્ધ FIR, જાણો શું છે આખો કેસ

જયાજી અને ફોન પાસવર્ડનો સવાલ

કેબીસીના મંચ પર કાર્તિક આર્યને અમિતાભ બચ્ચન સાથે મજાક-મજાકમાં તેમની અંગત જિંદગીને લગતા કેટલાક સવાલો પૂછીને વાતાવરણ હળવું બનાવ્યું હતું. કાર્તિકે જ્યારે બિગ બીને પૂછ્યું કે શું તેઓ ક્યારેય જયા મેમથી છુપાઈને કંઈ ખાય છે, ત્યારે અમિતાભે કોઈ સીધો જવાબ આપવાને બદલે માત્ર હસીને વાત ટાળી દીધી હતી. પરંતુ, જ્યારે કાર્તિકે આગળ વધીને એવો સવાલ કર્યો કે શું જયા બચ્ચનને તેમના ફોનનો પાસવર્ડ ખબર છે, ત્યારે અમિતાભ બચ્ચને અત્યંત રમુજી અંદાજમાં પ્રતિક્રિયા આપતા કહ્યું હતું કે, “પાગલ છે કે શું? અમે તેમને થોડા જણાવીએ!” બિગ બીના આ બિન્દાસ અંદાજ અને રમૂજથી આખો સેટ હાસ્યથી ગુંજી ઉઠ્યો હતો.

શો દરમિયાન કાર્તિક આર્યને અમિતાભ બચ્ચનને આજકાલ ટ્રેન્ડમાં રહેલું ‘કોરિયન હાર્ટ’ (હાથની આંગળીઓથી દિલ બનાવવું) કેવી રીતે બનાવવું તે શીખવ્યું હતું. બિગ બીએ પણ ખૂબ જ ઉત્સાહથી આ સ્ટાઇલ શીખી હતી, જે જોઈને ઓડિયન્સમાં હસીનું મોજું ફરી વળ્યું હતું.અનન્યા પાંડેએ પણ આ તકનો લાભ લીધો અને અમિતાભને આજની જનરેશન દ્વારા વપરાતા અવનવા શબ્દો (Gen-Z slang) વિશે પૂછ્યું. નવા જમાનાના શબ્દો સાંભળીને અમિતાભ આશ્ચર્યચકિત થઈ ગયા હતા, પરંતુ તેમણે આ રમતને ખૂબ જ ખેલદિલીથી માણી હતી.આ બંને કલાકારો તેમની આગામી રોમેન્ટિક-કોમેડી ફિલ્મ ‘તૂ મેરી મૈં તેરા, મૈં તેરા તૂ મેરી’ ના પ્રમોશન માટે આવ્યા હતા.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)