ન્યુઝ કન્ટિન્યુઝ બ્યુરો
મુંબઈ, 21 ઓક્ટોબર, 2021
ગુરૂવાર
કાર્તિક આર્યનની પ્રથમ ફિલ્મ ‘પ્યાર કા પંચનામા’ ના ત્રીજા ભાગની તૈયારીઓ ચાલી રહી છે. હવે કાર્તિક આર્યને કહ્યું કે તે ફિલ્મમાં રણવીર સિંહ અને રણબીર કપૂર સાથે કામ કરવા માંગે છે.
કાર્તિક આર્યનની આગામી ફિલ્મ ‘ધમાકા’ ના ટ્રેલર લોન્ચ દરમિયાન અભિનેતાને પૂછવામાં આવ્યું, 'શું ફિલ્મ ‘પ્યાર કા પંચનામા’ પાઇપલાઇનમાં છે? આ સિવાય ફિલ્મમાં રણવીર સિંહ અને રણબીર કપૂર મુખ્ય ભૂમિકામાં હશે? ખૂબ વિચાર કર્યા પછી, પ્રશ્નનો જવાબ આપતા કાર્તિક આર્યને કહ્યું, 'હું અને રણબીર કપૂર એક સાથે ફૂટબોલ રમીએ છીએ. રણવીર સિંહ પણ ફૂટબોલ મેચમાં આવે છે. જો હું આ બંને સાથે જોડાઈ શકું તો હું ખૂબ ખુશ થઈશ. આ એક સારો વિચાર છે’.
કાર્તિક આર્યન આગળ કહે છે, 'સાચું કહું તો આ માટે તમારે લવ સર (ડિરેક્ટર લવ રંજન) ને પૂછવું પડશે. તે યોગ્ય વ્યક્તિ છે જે તમને ફિલ્મ વિશે કહી શકે છે. તમને જણાવી દઈએ કે રણબીર કપૂર ‘શમશેરા’ અને ‘બ્રહ્માસ્ત્ર’ ફિલ્મોમાં જોવા મળશે. તેમજ, રણવીર સિંહ ફિલ્મ ‘83’, ‘જયેશભાઈ જોરદાર’, રોહિત શેટ્ટીની ફિલ્મ ‘સર્કસ’ અને કરણ જોહરની ફિલ્મ ‘રોકી રાની કી લવ સ્ટોરી’ માં જોવા મળશે.
અભિષેક બચ્ચન અને અમિત સાધ અભિનિત 'બ્રીધ – ઈન્ટુ ધ શેડોઝ'ની નવી સિઝનની જાહેરાત; જાણો ક્યારે થશે રિલીઝ
વર્કફ્રન્ટની વાત કરીએ તો કાર્તિક આર્યન પાસે હાલમાં ઘણા પ્રોજેક્ટ છે. કાર્તિક આર્યન ટૂંક સમયમાં ફિલ્મ ‘ધમાકા’માં જોવા મળશે. આ ફિલ્મ નેટફ્લિક્સ પર સ્ટ્રીમ થશે. આ સિવાય કાર્તિક આર્યન ‘ભૂલભુલૈયા 2’ માં પણ જોવા મળશે. કાર્તિક ઉપરાંત આ ફિલ્મમાં કિયારા અડવાણી અને તબ્બુ છે. સાથે જ કાર્તિક શશાંક ઘોષની ‘ફ્રેડી’ અને ‘કેપ્ટન ઇન્ડિયા’ માં પણ જોવા મળશે.
