News Continuous Bureau | Mumbai
KBC Ramayana Special Episode બોલિવૂડના મેગાસ્ટાર અમિતાભ બચ્ચન (Amitabh Bachchan) દ્વારા હોસ્ટ કરવામાં આવતા લોકપ્રિય ક્વિઝ રિયાલિટી શો ‘કૌન બનેગા કરોડપતિ’ (Kaun Banega Crorepati KBC) ના મંચ પર ફિલ્મ ‘રામાયણ’ (Ramayana) ની સ્ટાર કાસ્ટે હાજરી આપી હતી. દિવાળી પૂર્વે ૫ નવેમ્બરે રિલીઝ થનારી આ મેગા બજેટ ફિલ્મના પ્રમોશન અર્થે રણબીર કપૂર (Ranbir Kapoor), સાઈ પલ્લવી (Sai Pallavi) અને રવિ દુબે હોટ સીટ પર પહોંચ્યા હતા. રમત રમવાની સાથે ત્રણેય કલાકારોએ બિગ બી સાથે મન મૂકીને હસીમજાક કરી હતી, જેમાં સાઈ પલ્લવીના મેડિકલ બેકગ્રાઉન્ડ પર રણબીરના એક રમુજી જવાબે સૌને પેટ પકડીને હસાવ્યા હતા.
KBC Ramayana Special Episode – બિગ બીના પ્રશ્ન પર રણબીરે આપ્યો ‘ભગવાનના પ્રિસ્ક્રિપ્શન’ વાળો જવાબ
શોના સામે આવેલા નવા પ્રોમોમાં અમિતાભ બચ્ચને સાઈ પલ્લવીને કુતૂહલવશ પૂછ્યું હતું કે તેમણે મેડિકલ સાયન્સનો અભ્યાસ કરી ડૉક્ટર બન્યા બાદ અચાનક એક્ટિંગમાં આવવાનું કેમ નક્કી કર્યું? આ સવાલના જવાબમાં સાઈ પલ્લવીએ હળવાશથી કહ્યું કે, “આ બધું ભગવાને પહેલેથી લખી રાખ્યું હતું.” આ સાંભળતાં જ બાજુમાં બેઠેલા રણબીર કપૂરે તુરંત વચ્ચે રમૂજ કરતાં કહ્યું, “સર, ભગવાનનું પ્રિસ્ક્રિપ્શન (Prescription) જ એવું હતું કે એમણે એક્ટિંગ કરવાની છે!” રણબીરનો આ હાજરજવાબી અંદાજ સાંભળીને ખુદ અમિતાભ બચ્ચન અને સેટ પર હાજર દર્શકો હસીને લોટપોટ થઈ ગયા હતા.
KBC Ramayana Special Episode – માતા સીતાના પાત્રને લઈને સાઈ પલ્લવીનું ભાવુક નિવેદન
આ ઉપરાંત અન્ય એક પ્રોમોમાં સાઈ પલ્લવીએ ફિલ્મ ‘રામાયણ’માં માતા સીતાનું પવિત્ર પાત્ર ભજવવા અંગે પોતાની લાગણીઓ શેર કરી હતી. અભિનેત્રીએ જણાવ્યું કે સામાન્ય રીતે કોઈપણ રોલ સ્વીકારતી વખતે તે પોતાનો અભિગમ નક્કી કરતી હોય છે, પરંતુ જ્યારે સીતા માતાનો રોલ ઓફર થયો ત્યારે તેણે વધારે મગજ ન દોડાવવાનો નિર્ણય કર્યો હતો. સાઈએ કહ્યું કે આ પાત્રમાં તે કોઈ બનાવટ નહોતી ઈચ્છતી અને આખી પ્રક્રિયાને સંપૂર્ણ પારદર્શક રાખવા માગતી હતી. તેણે માત્ર સીતા માતાને મનોમન પ્રાર્થના કરી અને સમગ્ર શ્રદ્ધા સાથે શૂટિંગમાં આગળ વધી ગઈ.
KBC Ramayana Special Episode – ૨૯ અને ૩૦ ઓક્ટોબરે ટેલિકાસ્ટ થશે ખાસ એપિસોડ, ૪૦૦૦ કરોડના બજેટની ફિલ્મ
કેબીસીનો આ ધમાકેદાર અને મનોરંજક સ્પેશિયલ એપિસોડ ૨૯ અને ૩૦ ઓક્ટોબરના રોજ ટીવી પર પ્રસારિત થશે. નિર્દેશક નિતેશ તિવારી દ્વારા બનાવાયેલી ફિલ્મ ‘રામાયણમાં’ રણબીર કપૂર ભગવાન રામ, સાઈ પલ્લવી માતા સીતા, યશ રાવણ, રવિ દુબે લક્ષ્મણ અને સની દેઓલ હનુમાનજીની ભૂમિકામાં છે. નિર્માતા નમિત મલ્હોત્રાના જણાવ્યા મુજબ, બંને ભાગ મળીને આ ફિલ્મનું કુલ બજેટ આશરે ૪,૦૦૦ કરોડ રૂપિયા છે, જે ભારતીય સિનેમા ઈતિહાસની સૌથી મોંઘી ફિલ્મ બનવા જઈ રહી છે.
👉 આ સમાચાર વાચો:
Salman Khan Film Maatrubhumi NOC સરકાર તરફથી ક્લિયરન્સ મળી ગયું! સલમાન ખાનની ‘માતૃભૂમિ’ પર સેન્સર બોર્ડ ચલાવશે કાતર કે મળશે U/A સર્ટિફિકેટ? જાણો વિગતો
