News Continuous Bureau | Mumbai
‘KGF 2’ રિલીઝ થયાને 6 મહિના વીતી ગયા છે. પરંતુ હજુ પણ જનતાને ખબર નથી કે યશ આગળ શું કરવા જઈ રહ્યો છે. કારણ કે તેણે અત્યાર સુધી તેની કોઈ ફિલ્મની જાહેરાત કરી નથી. પરંતુ લેટેસ્ટ રિપોર્ટ્સ અનુસાર યશને બોલિવૂડમાંથી બે મોટી ઓફર(Bollywood offer) મળી છે. પ્રથમ ફિલ્મ ‘બ્રહ્માસ્ત્ર 2’ (Brahmastra 2)છે. બીજી ફિલ્મ રાકેશ ઓમપ્રકાશ મહેરાની ‘કર્ણ’(Karn) છે. પરંતુ હજુ સુધી યશે કોઈ ફિલ્મ માટે હા નથી કરી.
‘KGF 2’ની રિલીઝ પહેલા યશ (Yash)એક ફિલ્મને લઈને ચર્ચામાં હતો. પરંતુ ‘KGF 2’ ની જોરદાર સફળતા પછી, તે વાતચીત બંધ થઈ ગઈ છે. કારણ કે યશ જાણે છે કે તેની પાસેથી જનતાની અપેક્ષાઓ વધી ગઈ છે. આવી સ્થિતિમાં તેઓ તેમના ભવિષ્યની યોજના ખૂબ જ કાળજીપૂર્વક કરી રહ્યો છે. 'બાહુબલી'(Bahubali)ની સફળતા પછી પ્રભાસ(Prabhas) સાથે શું થઈ રહ્યું છે તે બધાએ જોયું. તેની કારકિર્દી નો ગ્રાફ નીચે જઈ રહ્યો છે. જો કે, KGF 2 થી, યશને દેશના તમામ ઉદ્યોગો તરફથી ઓફર મળી રહી છે. એક મીડિયા હાઉસ ના રિપોર્ટ અનુસાર તેમાં બોલિવૂડની બે ફિલ્મો પણ સામેલ છે. આ ફિલ્મો છે 'બ્રહ્માસ્ત્ર 2' અને 'કર્ણ'. સમાચાર અનુસાર, યશને 'બ્રહ્માસ્ત્ર'માં 'દેવ'નો રોલ(Dev role) ઑફર કરવામાં આવ્યો છે. દેવ 'બ્રહ્માસ્ત્ર'નું પાત્ર છે, જેને આ ફિલ્મમાં વિલન તરીકે બતાવવામાં આવ્યો છે. એવી અટકળો પણ ચાલી રહી હતી કે 'બ્રહ્માસ્ત્ર પાર્ટ 2-દેવ'માં શાહરૂખ ખાન, રણવીર સિંહ અથવા રિતિક રોશન આ ભૂમિકા ભજવી શકે છે. હવે આ રોલ માટે યશનું નામ સામે આવી રહ્યું છે. જો કે હજુ સુધી આ અંગે કોઈ સત્તાવાર માહિતી સામે આવી નથી.
આ સમાચાર પણ વાંચો: સલમાન ખાનના ઘરમાં જ હતો ડેન્ગ્યુના મચ્છરોનો અડ્ડો, મુંબઈ મહાનગરપાલિકાએ કરી આ કાર્યવાહી
યશને હિન્દી ફિલ્મ ઈન્ડસ્ટ્રી તરફથી 'કર્ણ' નામની પૌરાણિક ફિલ્મની (Mythological film)ઓફર પણ કરવામાં આવી છે. આ એક મેગા બજેટ ફિલ્મ છે, જેનું દિગ્દર્શન 'દિલ્હી 6' અને 'રંગ દે બસંતી'ના રાકેશ ઓમપ્રકાશ મહેરા (Rakehs omprakash mehra)કરવાના છે. ફરહાન અખ્તર અને રિતેશ સિધવાનીની એક્સેલ એન્ટરટેઈનમેન્ટ આ ફિલ્મનું નિર્માણ કરી રહી છે. આ એ જ કંપની છે, જેણે હિન્દીમાં KGF (ભાગ 1) રિલીઝ કર્યું હતું. KFG 2 નું હિન્દી સંસ્કરણ પણ આ કંપની દ્વારા વિતરણ કરવામાં આવ્યું હતું. હવે એક્સેલ યશ સાથેના સંબંધોને આગળ વધારવા માંગે છે. તે ઈચ્છે છે કે યશ તેની ફિલ્મ 'કર્ણ'માં મુખ્ય ભૂમિકા ભજવે.જાન્યુઆરી 2023 સુધીમાં યશની આગામી ફિલ્મ કઈ હશે તે અંગે યશ નક્કર માહિતી આપશે. કારણ કે તેમનો જન્મદિવસ(Birthday) 8મી જાન્યુઆરીએ છે. તે દરમિયાન તે તેના આગામી પ્રોજેક્ટની જાહેરાત કરવા માંગે છે.
