News Continuous Bureau | Mumbai
અભિનેત્રીમાંથી રાજકારણી બનેલી ખુશ્બુ સુંદરે એક ચોંકાવનારું રહસ્ય જાહેર કર્યું છે કે જ્યારે તે 8 વર્ષની હતી ત્યારે તેના પિતા દ્વારા તેનું શારીરિક અને જાતીય શોષણ કરવામાં આવ્યું હતું. ખુશ્બુ સુંદરે તાજેતરમાં જ રાષ્ટ્રીય મહિલા આયોગના સભ્ય તરીકેનો ચાર્જ સંભાળ્યો છે અને ઘણા કારણોસર ચર્ચામાં છે.
ખુશ્બુ સુંદરે કરી પોતાના બાળપણ વિશે વાત
એક વાતચીત દરમિયાન ખુશ્બુએ કહ્યું, “મને લાગે છે કે જ્યારે બાળક સાથે દુર્વ્યવહાર થાય છે, ત્યારે તે એક ડાઘ છોડી જાય છે જે જીવનભર રહે છે, તે છોકરો હોય કે છોકરી હોય તેનાથી કોઈ ફરક પડતો નથી. મારી માતા કેટલાક સૌથી અપમાનજનક લગ્નોમાંથી પસાર થઈ છે.” આ પછી ખુશ્બુએ કેટલીક એવી આઘાતજનક વાતો જણાવી જેમાંથી તેનું બાળપણ પસાર થયું છે.ખુશ્બુ સુંદરે કહ્યું, “એક વ્યક્તિ જે કદાચ વિચારતો હતો કે તેની પત્નીને મારવું, તેના બાળકોને મારવા, તેની એકમાત્ર પુત્રીનું યૌન શોષણ કરવું તેનો અધિકાર છે. જ્યારે મારી સાથે દુર્વ્યવહાર શરૂ થયો ત્યારે હું માત્ર 8 વર્ષની હતી અને જ્યારે હું 15 વર્ષ ની થઇ ત્યારે મને તેમની વિરુદ્ધ બોલવાની હિંમત મળી.”
ખુશ્બુના મનમાં રહેતો હતો આ ડર
વી ધ વુમન દરમિયાન ખુશ્બુએ કહ્યું કે એક સમય એવો આવ્યો જ્યારે તેણે સ્ટેન્ડ લેવું પડ્યું પરંતુ અન્ય પરિવારો સાથે આવું થાય તેવા ડરથી તે લાંબા સમય સુધી ચૂપ રહી. ખુશ્બૂએ કહ્યું, “મારી સાથે રહેલો એક ડર એ હતો કે મારી માતા મારા પર વિશ્વાસ નહીં કરે, કારણ કે મેં તેમને એવા વાતાવરણમાં જોઈ છે જ્યાં ‘કુછ ભી હો જાયે મેરા પતિ મેરા દેવતા હૈ’ની માનસિકતા હતી.” વધુ માં ખુશ્બુ એ જણાવ્યું કે “પરંતુ 15 વર્ષની ઉંમર સુધીમાં, તે ખૂબ જ વધી ગયું કે મેં મારો અવાજ ઉઠાવવાનું શરૂ કર્યું. હું 16 વર્ષની હતી જ્યારે તેણે અમને અમારા હાલ પર છોડી દીધા અને અમને ખબર ન હતી કે અમે અમારી આગામી રોટલી કેવી રીતે મેળવીશું,”ખુશ્બુ સુંદરે કહ્યું કે તેનું બાળપણ મુશ્કેલ હતું તેમ છતાં તેણે લડવાની હિંમત મેળવી. ખુશ્બુ એ બોલિવૂડમાં પોતાના કરિયરની શરૂઆત ફિલ્મ ‘ધ બર્નિંગ ટ્રેન’ દ્વારા કરી હતી.
