News Continuous Bureau | Mumbai
Kyunki Saas Bhi Kabhi Bahu Thi: સ્મૃતિ ઈરાનીના શો ‘ક્યોંકિ સાસ ભી કભી બહુ થી’ માં અત્યાર સુધી તમે જોયું કે આરતીના લગ્ન તૂટ્યા બાદ તુલસી તેને સંભાળી રહી છે. બીજી તરફ, મિહિરને સતત એવો અહેસાસ થઈ રહ્યો છે કે તુલસી તેની આસપાસ જ છે. શોમાં હવે એક નવો વળાંક આવ્યો છે જેમાં મિતાલીએ તુલસીની ડાયરીમાંથી ડિઝાઈન ચોરી કર્યા છે. મિહિરને આ વાતની જાણ થતા તે મિતાલી અને નોયના પર જોરદાર ગુસ્સો કરે છે.
આ સમાચાર પણ વાંચો : ‘Welcome To The Jungle’ Teaser Out: અક્ષય કુમારનો ડબલ ડોઝ અને કલાકારોનું પૂર! ‘વેલકમ ટુ ધ જંગલ’ના ટીઝરે સોશિયલ મીડિયા પર મચાવી ધૂમ
મિતાલીની ચોરી અને મિહિરનો ગુસ્સો
ડિનર ટેબલ પર મિતાલી જ્યારે પોતાની નવી ડિઝાઈન વિશે વાત કરે છે, ત્યારે મિહિર તેને અધવચ્ચે જ રોકી દે છે. મિહિર કહે છે કે, “આ તારી ડિઝાઈન નથી, તું આ ચોરી કરીને લાવી છે.” ઋત્વિક પણ મિતાલી પર ગુસ્સે થાય છે. મિહિર આદેશ આપે છે કે જેની આ ડાયરી છે તેને તાત્કાલિક પરત કરી દેવામાં આવે. મિહિરને ખબર નથી કે આ ડિઝાઈન ખરેખર તેની તુલસીની જ છે.એકલા રૂમમાં બેઠા હોય ત્યારે નોયના મિહિરને જૂની વાતો અને જૂના સંબંધો યાદ કરાવવાની કોશિશ કરે છે. પરંતુ મિહિર તેને જડબાતોડ જવાબ આપે છે. મિહિર કહે છે કે, “ભૂલથી મારી જિંદગીમાં એવો સમય આવ્યો હતો જેણે મારું બધું જ છીનવી લીધું, ત્યારથી મેં દારૂ છોડી દીધો છે.” જ્યારે નોયના તેને ટોણા મારવા બદલ ઠપકો આપે છે, ત્યારે મિહિર સ્પષ્ટ કહે છે કે કોઈ વસ્તુ છીનવી લેવાથી તે તમારી નથી થઈ જતી.
વાર્તા જે રીતે આગળ વધી રહી છે તે જોતા એવું લાગે છે કે આ ચોરાયેલી ડાયરી જ મિહિરને તુલસી સુધી પહોંચાડશે. નોયનાને હવે પોતાના નિર્ણયો પર પસ્તાવો થઈ રહ્યો છે, કારણ કે મિહિર તેની સાથે લગ્ન કરવા માટે હા તો પાડી ચૂક્યો છે પણ તેના મનમાં હજુ પણ તુલસી જ વસેલી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
