News Continuous Bureau | Mumbai
બોલીવુડ અભિનેતા અક્ષય કુમાર મુશ્કેલીમાં મુકાઈ શકે છે. વાસ્તવમાં, મીડિયા રિપોર્ટ્સ અનુસાર, પેન્દ્રના રહેવાસી એક એડવોકેટે અભિનેતા વિરુદ્ધ જિલ્લાના એસપી સાથે ગૃહ મંત્રાલયને લેખિત ફરિયાદ આપી છે. વકીલે અભિનેતા પર ભારતના નકશાનું અપમાન કરવાનો આરોપ લગાવ્યો છે. પરંતુ, સવાલ એ થાય છે કે અભિનેતાએ શું કર્યું જેના માટે તેના પર આ આરોપ લગાવવામાં આવ્યો છે? આવો જાણીએ…
અક્ષય કુમાર પર લાગ્યો આ આરોપ
વાત એમ છે કે, તાજેતરમાં અભિનેતાએ તેના સોશિયલ મીડિયા પર એક પ્રમોશનલ વીડિયો શેર કર્યો હતો. આ વીડિયોમાં એક્ટર એક ઈન્ટરનેશનલ એરલાઈન્સનું પ્રમોશન કરી રહ્યો હતો. વિડિયોની શરૂઆતમાં અભિનેતાને ગ્લોબ પર ચાલતો દર્શાવવામાં આવ્યો હતો. ભૂલ એ હતી કે જ્યાં અભિનેતાનો પગ પડ્યો ત્યાં નીચે ભારતનો નકશો હતો. એક મીડિયા હાઉસ ના અહેવાલ મુજબ, આ વીડિયો સામે આવ્યાના થોડા દિવસો બાદ એડવોકેટે જિલ્લાના એસપી ની સાથે ગૃહ મંત્રાલયને તેમની વિરુદ્ધ પત્ર લખ્યો છે.
The Entertainers are all set to bring 100% shuddh desi entertainment to North America. Fasten your seat belts, we’re coming in March! 💥 @qatarairways pic.twitter.com/aoJaCECJce
— Akshay Kumar (@akshaykumar) February 5, 2023
અક્ષય કુમાર સિવાય આ કલાકારો પણ જોવા મળ્યા હતા
આ વીડિયોમાં અક્ષય કુમારની સાથે બોલિવૂડ અભિનેત્રી દિશા પટની, નોરા ફતેહી, મૌની રોય અને સોનમ બાજવા પણ જોવા મળી હતી. પરંતુ, તેના પગ ભારતના નહીં પણ અન્ય દેશોના નકશા પર પડ્યા હતા. આ કારણોસર, તેઓ આ મુશ્કેલી માંથી બચી ગઈ હતી. જો કે, અક્ષય કુમાર ફસાઈ ગયો.
