News Continuous Bureau | Mumbai
Dhurandhar 2: એક તરફ આદિત્ય ધરની ફિલ્મ ‘ધુરંધર 2’ બોક્સ ઓફિસ પર કમાણીના નવા રેકોર્ડ સ્થાપિત કરી રહી છે, ત્યારે બીજી તરફ ફિલ્મના મેકર્સ કાયદાકીય પકડમાં ફસાયા છે. 90 ના દાયકાના એક સુપરહિટ ગીતનો પરવાનગી વગર ઉપયોગ કરવા બદલ ફિલ્મ નિર્માતાઓ વિરુદ્ધ કોપીરાઇટ ઉલ્લંઘનનો કેસ દાખલ કરવામાં આવ્યો છે. આ મામલે બોલિવૂડ પ્રોડક્શન કંપની ત્રિમૂર્તિ ફિલ્મ્સ દ્વારા કાયદેસરની કાર્યવાહી હાથ ધરાઈ છે.બાર એન્ડ બેન્ચના રિપોર્ટ મુજબ, ત્રિમૂર્તિ ફિલ્મ્સે આદિત્ય ધરના પ્રોડક્શન હાઉસ ‘B62 સ્ટુડિયોઝ’ વિરુદ્ધ કેસ કર્યો છે. તેમનો આરોપ છે કે ફિલ્મમાં 1989 ની ફિલ્મ ના લોકપ્રિય ગીત ‘હમ પ્યાર કરને વાલે’ અથવા તેના જેવા જ વર્ઝનનો ઉપયોગ જરૂરી લાયસન્સ કે પરવાનગી વગર કરવામાં આવ્યો છે.
આ સમાચાર પણ વાંચો : Dhurandhar 2 Music: શાશ્વત સચદેવે 11 દિવસમાં 14 ગીતો બનાવી રચ્યો ઈતિહાસ, આદિત્ય ધર પણ થયા પ્રભાવિત
લાઇસન્સ વગર ગીતનો વ્યવસાયિક ઉપયોગ
ત્રિમૂર્તિ ફિલ્મ્સનો દાવો છે કે તેઓ આ ગીતના મ્યુઝિક અને સાઉન્ડ રેકોર્ડિંગના હકો ધરાવે છે. મેકર્સે થિયેટર રીલીઝ, સ્ટ્રીમિંગ પ્લેટફોર્મ અને પ્રમોશનલ કન્ટેન્ટમાં આ ગીતનો ઉપયોગ કરીને વ્યવસાયિક લાભ ખાટ્યો છે, જે કોપીરાઇટ કાયદાનો ભંગ છે. કંપનીએ કોર્ટમાં ગીતના ઉપયોગ પર તાત્કાલિક રોક લગાવવાની સાથે હરજાણાની પણ માંગ કરી છે.
મૂળ ગીત ‘હમ પ્યાર કરને વાલે’ નું સંગીત આનંદ-મિલિંદે તૈયાર કર્યું હતું અને તેના ગીતકાર સમીર અંજાન છે. આ ગીત અનુરાધા પૌડવાલ અને ઉદિત નારાયણે ગાયું હતું. ‘ધુરંધર 2’ માં વપરાયેલા વર્ઝનમાં પણ આ જ ગાયકોના નામ સામેલ છે. ટી-સીરીઝ દ્વારા યુટ્યુબ પર જાહેર કરાયેલા ગીતના વીડિયોને લઈને પણ કંપનીએ ચિંતા વ્યક્ત કરી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
