ન્યુઝ કન્ટિન્યુઝ બ્યુરો,
મુંબઈ, 28 ફેબ્રુઆરી 2022
સોમવાર
અવારનવાર વિવાદોમાં રહેતો ફેમસ સિંગર મીકા સિંહ કોઈને કોઈ કારણોસર હેડલાઈન્સમાં રહે છે. પોતાના ગીતો કરતા વધારે વિવાદોને કારણે ચર્ચામાં રહેનાર મીકા સિંહ ફરી એકવાર હેડલાઈન્સમાં છે. હકીકતમાં, હાલમાં જ આવેલા સમાચાર મુજબ, પ્રખ્યાત ગાયક મીકા સિંહ ટૂંક સમયમાં નેશનલ ટીવી પર પોતાનો સ્વયંવરનું આયોજન કરવા જઈ રહ્યો છે. સ્વયંવર દ્વારા ટીવી પર પોતાના જીવનસાથીની શોધ કરનારા કલાકારોમાં મીકા સિંહનું નામ પણ જોડાવા જઈ રહ્યું છે.
વાસ્તવમાં, બોલિવૂડના પ્રખ્યાત સિંગર એક રિયાલિટી શો દ્વારા તેની દુલ્હન શોધવા માટે તૈયાર છે. સિંગર સાથે સંબંધિત એક સૂત્રએ તાજેતરમાં એક ઇન્ટરવ્યુમાં આ વિશે ખુલાસો કર્યો. એક વેબસાઈટ સાથે વાત કરતાં સૂત્રએ જણાવ્યું કે આ રિયાલિટી શો અગાઉના સ્વયંવર જેવો જ હશે. થોડા મહિનામાં તેને પ્રસારિત કરવાની પણ યોજના છે.આ દરમિયાન, સૂત્રએ એ પણ જણાવ્યું કે ગાયક શોમાં લગ્ન નહીં કરે, ફક્ત સગાઈ કરશે અને તે પછી તેમના સંબંધોને આગળ લઈ જશે. વેબસાઈટ સાથે વાત કરતા, ગાયક સાથે સંકળાયેલા એક સૂત્રએ માહિતી આપી કે મીકા સિંહ શોનો ભાગ બનવા માટે ખૂબ જ ઉત્સાહિત છે. આ શોમાં ભાગ લેનાર સ્પર્ધકો દેશભરમાંથી હશે.
નોંધપાત્ર વાત એ છે કે મિકા સિંહ નેશનલ ટીવી પર સ્વયંવરનું આયોજન કરનાર પ્રથમ કલાકાર નથી. ભૂતકાળમાં પણ નેશનલ ટીવી પર આવા સ્વયંવરોનું આયોજન કરવામાં આવ્યું છે. ટીવી અભિનેત્રીઓ રતન રાજપૂત, રાખી સાવંત અને મલ્લિકા શેરાવતે પણ સ્વયંવર દ્વારા તેમના જીવનસાથી પસંદ કર્યા હતા, જોકે ત્રણેયએ આ સાથી સાથે લગ્ન કર્યા ન હતા.જ્યારે રાહુલ મહાજને 25 વર્ષની બંગાળી મોડલ ડિમ્પી ગાંગુલીને એક રિયાલિટી શો દ્વારા પોતાના જીવનસાથી તરીકે પસંદ કરી હતી. આ પછી તેણે ડિમ્પી સાથે લગ્ન પણ કર્યા હતા. ચાર વર્ષ સુધી સાથે રહ્યા બાદ આખરે 2015માં આ કપલ અલગ થઈ ગયું
