News Continuous Bureau | Mumbai
Alia Bhatt : અભિનેત્રી હોવા ઉપરાંત બોલિવૂડ અભિનેત્રી આલિયા ભટ્ટ એક સફળ બિઝનેસવુમન પણ છે. તેણે અનેક ધંધાકીય સાહસોમાં નાણાં રોક્યા છે. તાજેતરમાં આલિયાની એક કપડાની બ્રાન્ડ જબરદસ્ત હેડલાઇન્સમાં આવી છે. આ બ્રાન્ડ ‘એડ-એ-મમ્મા‘ છે, મીડિયા રિપોર્ટ્સમાં કહેવામાં આવી રહ્યું છે કે રિલાયન્સ ઇન્ડસ્ટ્રીઝ તેને ખરીદવાની તૈયારી કરી રહી છે. બ્રાન્ચ રિલાયન્સ રિટેલ વેન્ચર્સ અને તેનો ભાગ રિલાયન્સ બ્રાન્ડ્સ આલિયાની આ કંપનીને ખરીદવાની અને તેમાં ઘણા મોટા ફેરફારો કરવાની યોજના બનાવી રહી છે. આ મામલાની સંપૂર્ણ વિગતો સામે આવી છે.
કરોડો માં થઇ શકે છે આલિયા ના બ્રાન્ડ ની ડીલ
આલિયા ભટ્ટની કંપની ‘એડ-એ-મમ્મા’ બાળકો માટે કપડાં બનાવે છે. રિલાયન્સ ઈન્ડસ્ટ્રીઝે બાળકોના કપડાંની આ બ્રાન્ડમાં રસ દાખવ્યો છે. મીડિયા માં છપાયેલા અહેવાલ મુજબ આ કંપનીને ખરીદવા માટે આલિયા ભટ્ટ સાથે ડીલ પણ કરવામાં આવી છે. કહેવામાં આવી રહ્યું છે કે આ મોટી ડીલ લગભગ 300 કરોડથી 350 કરોડ રૂપિયાની છે. હજી સુધી આ અંગે બંને પક્ષો તરફથી કોઈ સત્તાવાર જાહેરાત કરવામાં આવી નથી. કહેવામાં આવી રહ્યું છે કે બંને પક્ષો વચ્ચેની વાતચીત બાદ 7-10 દિવસમાં આ ડીલની જાહેરાત થઈ શકે છે.
આલિયા ભટ્ટ ની કંપની છે ‘એડ-એ-મમ્મા‘
આલિયાએ 2020માં તેની કિડ્સ વેર કંપની એડ-એ-મમ્મા’ શરૂ કરી હતી. આ બ્રાન્ડ તેની પોતાની અલગ વેબસાઈટ તેમજ વિવિધ ઓનલાઈન રિટેલ પ્લેટફોર્મ પર ખૂબ જ લોકપ્રિય છે. આ બ્રાન્ડ હેઠળ 4 થી 12 વર્ષના બાળકો માટે કપડાં ઉપલબ્ધ છે. આ બ્રાંડ વિશે વાત કરતાં આલિયાએ ગયા વર્ષે તેના ભાવિ આયોજન વિશે ન્યૂઝ એજન્સી ને જણાવ્યું હતું. તેણે કહ્યું હતું કે તે આ બ્રાન્ડમાં ઘણી એડિશન કરવા માંગે છે. બીજી તરફ જો રિલાયન્સ સાથેની ડીલ સાચી હોય તો હવે કંપનીમાં ફેરફારની જવાબદારી આ કંપનીની રહેશે.
આ સમાચાર પણ વાંચો: Uttar Pradesh ATS: UP ATSએ સીમા હૈદર, સચિન સહિત બાળકોની અટકાયત કરી; ધરપકડની શક્યતા
