News Continuous Bureau | Mumbai
Munmun Dutta On Marriage Instagram Post ટીવી જગતનો સૌથી લોકપ્રિય અને ઘરઘરમાં જાણીતો કોમેડી શો ‘તારક મહેતા કા ઉલ્ટા ચશ્મા’ ફેમ અભિનેત્રી મુનમુન દત્તા અવારનવાર પોતાના ફેન્સ સાથે અંગત અને પ્રોફેશનલ લાઈફની સુંદર ઝલક શેર કરતી રહે છે. હાલમાં જ મુનમુને પોતાના સત્તાવાર ઇન્સ્ટાગ્રામ (Instagram) હેન્ડલ પર એક દિલ જીતી લે તેવો ટ્રાવેલ વીડિયો શેર કર્યો છે. આ વીડિયોની સાથે તેણે એક એવું કેપ્શન લખ્યું છે, જે જીવન, લગ્ન અને સંબંધો પ્રત્યેના તેના ક્રાંતિકારી દ્રષ્ટિકોણને સાફ જાહેર કરે છે, જેના લીધે તે ઇન્ટરનેટ પર જોરદાર ચર્ચામાં આવી ગઈ છે. ચાહકો તેના આ અંદાજના ભારોભાર વખાણ કરી રહ્યા છે.
Munmun Dutta On Marriage Instagram Post – ‘લોકો કહે છે કે તું હંમેશા એકલી રહી જઈશ અને મારો જવાબ છે- બહુ સરસ, મને આ જ ગમે છે’
સોશિયલ મીડિયા પર અત્યંત એક્ટિવ રહેતી મુનમુન દત્તાએ પોતાના નવા વીડિયોની સાથે કેપ્શનમાં સમાજના લોકો પર આકરો કટાક્ષ કરતાં લખ્યું છે કે, “લોકો અવારનવાર મને ટોણા મારતા કહે છે કે તું હંમેશા એકલી જ રહી જઈશ અને મારો તેમને એક જ સણસણતો જવાબ છે- બહુ સરસ, મને જિંદગીમાં આ જ વસ્તુ સૌથી વધુ પસંદ છે. મેં મારું જીવન સંપૂર્ણપણે મારી પોતાની શરતો પર જીવવાનો મક્કમ નિર્ણય કર્યો છે અને હું તેને અન્ય કોઈ રીતે જીવવા માંગતી નથી.” આ વીડિયોમાં મુનમુન અલગ-અલગ સુંદર દેશોમાં પ્રવાસ કરતી, નવી વસ્તુઓ શીખતી અને જીવનની દરેક ક્ષણનો મુક્તપણે આનંદ લેતી જોવા મળી રહી છે. તેને ફરવાનો ભારે શોખ હોવાથી તે અવારનવાર વિદેશ યાત્રાના એડવેન્ચર વીડિયો શેર કરે છે.
Munmun Dutta On Marriage Instagram Post – રણવીર અલ્લાહબાદિયાના પોડકાસ્ટમાં દિલીપ જોશી (જેઠાલાલ) અંગે કર્યો મોટો ખુલાસો
ટેલિવિઝન માર્કેટના અહેવાલો મુજબ, આ પોસ્ટ શેર થતાંની સાથે જ બોલીવુડ એક્ટ્રેસ દિશા પાટનીની બહેન ખુશબુ પાટની સહિત લાખો ચાહકોએ તેના પર પ્રેમ વરસાવ્યો છે. આ પહેલાં પ્રખ્યાત યુટ્યુબર રણવીર અલ્લાહબાદિયાના (BeerBiceps) પોડકાસ્ટ શોમાં મુનમુને ‘તારક મહેતા…’ શો સાથે જોડાયેલી ઘણી ગુપ્ત વાતો શેર કરી હતી. તેણે ખુલાસો કર્યો હતો કે જ્યારે વર્ષો પહેલાં તેને આ શો મળ્યો હતો, ત્યારે તેણે ક્યારેય સપનામાં પણ વિચાર્યું નહોતું કે આ શો ભારતીય ટીવી ઇતિહાસનો સૌથી મોટો હિટ શો સાબિત થશે. તે સમયે તેના માટે સૌથી મોટી ખુશી માત્ર એક કલાકાર તરીકે કામ મળવાની જ હતી અને તે પૂરી મહેનતથી પોતાનું પાત્ર ભજવવા માંગતી હતી.
Munmun Dutta On Marriage Instagram Post – જેઠાલાલે જ બબિતા જી ઉપરાંત દયાબેન અને બાપુજીના નામની પણ ભલામણ કરી હતી
મુનમુન દત્તાએ પોડકાસ્ટમાં એક મોટો અને રસપ્રદ ખુલાસો કરતાં જણાવ્યું કે, શોમાં સુંદર ‘બબિતા જી’ ના આઇકોનિક રોલ માટે તેના નામની સત્તાવાર ભલામણ અન્ય કોઈએ નહીં પરંતુ મુખ્ય અભિનેતા દિલીપ જોશીએ (જેઠાલાલ) પોતે કરી હતી. દિલીપ જોશી અને શોના પ્રોડ્યુસર અસિત કુમાર મોદી અગાઉ અન્ય એક પ્રોજેક્ટમાં સાથે કામ કરી ચૂક્યા હોવાથી, કાસ્ટિંગ પ્રક્રિયા દરમિયાન દિલીપ જોશીની રાયને ખૂબ જ મહત્વ આપવામાં આવ્યું હતું. મુનમુનના જણાવ્યા મુજબ, દિલીપ જોશીએ માત્ર તેનું જ નહીં, પરંતુ શોના અન્ય લોકપ્રિય કલાકારો જેમ કે અમિત ભટ્ટ (ચંપકલાલ બાપુજી) અને દિશા વાકાણી (દયાબેન) ના નામનું પણ સજેસ્ટ કર્યું હતું. મુનમુન પાછલા ઘણા વર્ષોથી આ સીરિયલમાં સતત કામ કરી રહી છે અને જેઠાલાલ તથા આખી મહિલા મંડળ સાથેની તેની કેમિસ્ટ્રી દર્શકોને આજે પણ ખૂબ હસાવે છે.
👉 આ સમાચાર વાચો:
Love And War First Look Leaked ‘લવ એન્ડ વોર’ ના સેટ પરથી આલિયા ભટ્ટ અને વિક્કી કૌશલનો લુક લીક; રણબીર કપૂર ગાયબ રહેતા ફેન્સમાં ચર્ચા
