News Continuous Bureau | Mumbai
Naagin 7: એકતા કપૂરની લોકપ્રિય સીરિયલ ‘નાગિન’ ની સાતમી સિઝન માટેની રાહ હવે પૂરી થઈ છે. આ વખતે શોમાં મુખ્ય નાગિન તરીકે પ્રિયંકા ચાહર ચૌધરી જોવા મળશે. તાજેતર માં યોજાયેલી પ્રેસ ઈવેન્ટમાં પ્રિયંકા તેના શાનદાર ગોલ્ડન આઉટફિટમાં જોવા મળી હતી, જે તેના શોના લુકની ઝલક આપે છે. આ ઈવેન્ટ દરમિયાન લોકપ્રિય એક્ટર નમિક પોલ પણ તેની સાથે જોવા મળ્યો હતો, જે શોમાં મહત્વની ભૂમિકા ભજવશે.પ્રેસ કોન્ફરન્સમાં પ્રિયંકા અને નમિક પોલે સાથે પોઝ આપ્યા હતા, જેના વીડિયો સોશિયલ મીડિયા પર ફેન્સ દ્વારા ખૂબ પસંદ કરવામાં આવી રહ્યા છે.
આ સમાચાર પણ વાંચો : Tu Meri Main Tera: રિલીઝ પહેલા ‘તૂ મેરી મૈં તેરા…’ ને મોટો ઝટકો: સેન્સર બોર્ડની કાતર ચાલી, મહત્વના દ્રશ્યો હટાવ્યા બાદ મળ્યું આ સર્ટિફિકેટ
સાહિલ ઉપ્પલ પણ હશે લીડ રોલમાં?
રિપોર્ટ્સ મુજબ, ‘પંડ્યા સ્ટોર’ ફેમ એક્ટર સાહિલ ઉપ્પલ પણ આ શોમાં લીડ રોલ કરતા જોવા મળી શકે છે. જોકે, હજુ સુધી સાહિલ તરફથી આ અંગે સત્તાવાર પુષ્ટિ કરવામાં આવી નથી. શોમાં પ્રિયંકા, નમિક અને સાહિલ વચ્ચેની કેમેસ્ટ્રી જોવી રસપ્રદ રહેશે.‘નાગિન 7’ ના પ્રીમિયરની તારીખ જાહેર કરવામાં આવી છે. આ શો ૨૭ ડિસેમ્બર થી શરૂ થશે. દર્શકો દર શનિવાર અને રવિવારે રાત્રે ૮ વાગ્યે કલર્સ ટીવી પર આ શો જોઈ શકશે. અગાઉની છ સિઝન સુપરહિટ રહી હોવાથી મેકર્સે આ વખતે પણ ગ્રાફિક્સ અને વાર્તામાં ઘણું નવું કર્યું હોવાનું મનાય છે.
‘નાગિન 7’ ને વધુ ભવ્ય બનાવવા માટે એકતા કપૂરે આ વખતે માત્ર પ્રિયંકા ચાહર ચૌધરી જ નહીં, પરંતુ ટેલિવિઝન જગતના અનેક જાણીતા ચહેરાઓની પસંદગી કરી છે. શોની આ વખતની સ્ટારકાસ્ટ ખૂબ જ મોટી અને પ્રભાવશાળી છે, જેમાં ઈશા સિંહ, વિહાન વર્મા અને રિબ્બુ મહેરા જેવા લોકપ્રિય કલાકારો મહત્વની ભૂમિકામાં જોવા મળશે. આ ઉપરાંત કુશાગ્ર દુઆ, પ્રતિક્ષા રાય અને નિવેદિતા પાલ પણ આ સુપરનેચરલ ડ્રામામાં પોતાનો જાદુ ચલાવતા નજરે પડશે. આટલી મજબૂત સ્ટારકાસ્ટને જોતા એવું લાગી રહ્યું છે કે આ સીઝન અગાઉની તમામ સીઝન કરતા વધુ રોમાંચક સાબિત થશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
