ન્યુઝ કન્ટિન્યુઝ બ્યુરો
મુંબઈ, 20 જાન્યુઆરી 2022
ગુરૂવાર
એકતા કપૂરની લોકપ્રિય 'નાગિન' ફ્રેન્ચાઈઝી 'નાગિન 6'ની રાહ હવે પૂરી થવા જઈ રહી છે. છેલ્લા ઘણા દિવસોથી, ચાહકો તેના ઑન એરની તારીખથી લઈને તેની સ્ટારકાસ્ટની ચર્ચા કરતા જોવા મળી રહ્યા છે. નાગીનની મુખ્ય ભૂમિકા માટે તમામ અભિનેત્રીઓના નામ સોશિયલ મીડિયા પર સામે આવ્યા છે. આ એપિસોડમાં, શોના નિર્માતાઓએ તેનો પ્રોમો બહાર પાડ્યો છે, જેનાથી ચાહકોની ચર્ચામાં વધારો થયો છે.પ્રોમો રિલીઝ કરવાની સાથે મેકર્સે આ સીઝનની સ્ટોરી પણ જાહેર કરી છે. પ્રોમોમાં ચોંકાવનારી વાત એ છે કે આ વખતે નાગિન કોઈ વ્યક્તિને મારવા કે કોઈ વ્યક્તિનો બદલો લેવા માટે નહીં, પરંતુ ઝેર ખતમ કરવા માટે જન્મ લેતી જોવા મળશે.
'નાગિન 6'ના પ્રોમો અનુસાર, આ વખતે નાગિન દુનિયામાં ફેલાતા ખતરનાક વાયરસથી લોકોને બચાવવા આવી રહી છે. જો કે, હજી પણ તેની અગ્રણી મહિલાનો ચહેરો જાહેર કરવામાં આવ્યો નથી, જેને જાણવા અને જોવા માટે ચાહકો ખૂબ જ ઉત્સુક છે. કલર્સ ટીવીએ પોતાના ઓફિશિયલ ઈન્સ્ટાગ્રામ પેજ પર શોનો પ્રોમો શેર કરતા લખ્યું કે, 'દેશની રક્ષા માટે નાગિન ફરીથી ઝેર બનીને ઝેરનો અંત લાવવા આવી રહી છે.'એટલે કે, હવે 'નાગિન 6'ને 'કોરોના ટ્વિસ્ટ' આપવામાં આવ્યો છે, જેમાં નાગિન તમામ લોકોને ખતરનાક વાયરસથી બચાવતી જોવા મળશે. નિર્માતાઓએ 'નાગિન 6'નો નવો પ્રોમો રિલીઝ કર્યો છે, જેને જોઈને ચાહકો અલગ-અલગ પ્રતિક્રિયાઓ આપી રહ્યા છે.
