News Continuous Bureau | Mumbai
ઘણા સમયથી ચર્ચામાં રહેલ મણિરત્નમની ફિલ્મ 'પોન્નિયન સેલ્વન પાર્ટ વન'નું ટીઝર રિલીઝ થઈ ગયું છે. 'પોન્નિયન સેલ્વન'નું ટીઝર રિલીઝ થતાની સાથે જ સોશિયલ મીડિયા પર વાયરલ થવાનું શરૂ થઈ ગયું છે અને ચાહકો તેને ખૂબ પસંદ કરી રહ્યા છે. 'પોન્નિયન સેલવાન'ના ટીઝરમાં જોરદાર એક્શન અને શાનદાર VFX જોવા મળી રહ્યા છે. 'પોન્નિયન સેલ્વન'નું લાર્જર ધેન લાઈફ ટીઝર જોયા પછી ચાહકોને પણ 'બાહુબલી' યાદ આવી ગઈ છે.
લગભગ 1 મિનિટ 20 સેકન્ડનું 'પોન્નિયન સેલ્વન'નું ટીઝર ઘણું ધમાકેદાર છે. 'પોન્નિયન સેલવાન'ના ટીઝરમાં VFX જોવા મળી રહ્યું છે. આ સાથે જ ફિલ્મમાં જે રીતે એક્શન સીન અને વોર ફૂટેજ બતાવવામાં આવ્યા છે તેનાથી ઉત્તેજના પણ વધી જાય છે. 'પોન્નિયન સેલ્વન'નું ટીઝર થોડી જ વારમાં વાયરલ થઈ ગયું છે. ટીઝરમાં એક દ્રશ્ય ખૂબ જ ઉત્સાહિત કરે છે, જ્યાં વિક્રમ કહે છે, 'તમને બધું ભૂલી જવા માટે, તેના વિશે ભૂલી જવા માટે અને પોતાને ભૂલી જવા માટે.'મળતી માહિતી મુજબ, આ ફિલ્મની વાર્તા 10મી સદીની આસપાસ વણાઈ છે, જે દક્ષિણ ભારતના ચોલા સામ્રાજ્યના સત્તા સંઘર્ષને જણાવશે. 'પોન્નિયન સેલવાન-1'ના VFXની સાથે સાથે ફિલ્મની સ્ટારકાસ્ટે પણ ચાહકોને ખૂબ જ ઉત્સાહિત કર્યા છે. લગભગ તમામ કલાકારોના લુક્સ જાહેર થઈ ગયા છે અને બધા જ તેમના પાત્રોમાં ખૂબ જ સારા દેખાઈ રહ્યા છે. ટીઝરમાં જ્યાં ઐશ્વર્યા રાય બચ્ચન અને ત્રિશા ખૂબ જ સુંદર દેખાઈ રહી છે, તો બીજી તરફ વિક્રમ, કાર્તિ, જયમ રવિ, પ્રકાશ રાજ, નાસાર, શોભિતા ધુલીપાલા, પ્રભુ અને કિશોર જેવા કલાકારો પણ ખૂબ જ પ્રભાવશાળી દેખાઈ રહ્યા છે.
આ સમાચાર પણ વાંચો : બોલિવૂડ ની આ અભિનેત્રી સાથે બિગ બોસ ના ઘર માં જવા માંગે છે કરણ જોહર- નિર્માતા એ ખુદ કર્યો ખુલાસો
તમને જણાવી દઈએ કે 'પોન્નિયન સેલ્વન-1'નું ટીઝર કુલ 5 ભાષાઓમાં મોટા પાયે રિલીઝ કરવામાં આવ્યું છે. અલગ-અલગ ભાષાકીય સિનેમાના સુપરસ્ટાર્સે આ ટીઝરને ડિજિટલી રિલીઝ કર્યું છે. 'પોન્નિયન સેલવાન – 1'નું ટીઝર અમિતાભ બચ્ચન દ્વારા હિન્દીમાં, મોહનલાલ દ્વારા મલયાલમમાં, રક્ષિત શેટ્ટી એ કન્નડમાં, સુર્યા એ તમિલમાં અને મહેશ બાબુએ તેલુગુમાં લોન્ચ કર્યું હતું. મહત્વપૂર્ણ છે કે, મીડિયા રિપોર્ટ્સ અનુસાર, 'પોન્નિયન સેલ્વન-1'નું બજેટ 500 કરોડ રૂપિયા છે અને આ ફિલ્મ 30 સપ્ટેમ્બરે રિલીઝ થશે.
