News Continuous Bureau | Mumbai
મંગળવારે એક એવા સમાચાર આવ્યા, જેણે ન માત્ર ઈન્ડસ્ટ્રીના (film industry) લોકોની આંખો ભીની કરી દીધી, પરંતુ આખા દેશના (India)લોકોને પણ ચોંકાવી દીધા. ગાયક કેકે હવે આ દુનિયા (KK passes away) માં નથી. આ શબ્દોએ આજે ઘણા લોકોના દિલ તોડી નાખ્યા. લાઈવ કોન્સર્ટમાં 'હમ રહે યા ના રહે કલ' ગીત ગાતી વખતે કોઈએ વિચાર્યું ન હતું કે આ ગાયક ખરેખર આ દુનિયાને અલવિદા કહીને વિદાય લેશે. અત્યાર સુધી ગાયક સાથે જોડાયેલા તમામ સમાચાર સામે આવ્યા છે, પરંતુ બહુ ઓછા લોકો જાણતા હશે કે ક્યારેય ગાયિકી ની તાલીમ ના લેનાર કેકે આટલો મોટો સિંગર કેવી રીતે બન્યો.
સિંગર કેકેએ કદાચ 'તડપ-તડપ કે ઇસ દિલ' (Hum dil de chuke sanam)ગીતથી તેની સિંગિંગ કરિયરની શરૂઆત કરી હશે. જોકે, બહુ ઓછા લોકો જાણે છે કે કેકે 1996ની લોકપ્રિય ફિલ્મ 'માચીસ'ના (Machis)ગીત 'છોડ આયે હમ વો ગલિયાં'નો પણ એક ભાગ હતા. આ ગીતમાં તેમના સહ-ગાયકો હતા હરિહરન, સુરેશ વાડકર અને વિનોદ સહગલ. આ ગીત વિશાલ ભારદ્વાજે કમ્પોઝ કર્યું હતું. તમને જણાવી દઈએ કે આ ગીત આજના સમયમાં પણ સુપરહિટ છે. બાય ધ વે, સિંગિંગની દુનિયામાં પ્રવેશતા પહેલા કેકે એક હોટલમાં (Hotel work)પણ કામ કર્યું છે. તે જ સમયે, તેને હંમેશા ગાવાનો શોખ હતો. આ કળા તેમનામાં બાળપણથી જ હતી. તે ગીતો સાંભળીને શીખતો હતો. બાળપણથી જ કેકે પ્રખ્યાત ગાયક કિશોર કુમાર(Kishore Kumar) અને સંગીતકાર આરડી બર્મનથી(RD Burman) ખૂબ પ્રભાવિત હતા. દિલ્હીના (Delhi) રહેવાસી કેકેને ધીમે-ધીમે ગાવાનો શોખ એ રીતે વધ્યો કે તેણે તેને કારકિર્દી બનાવી લીધી. એક ઈન્ટરવ્યુમાં કેકેએ કહ્યું હતું કે, દિલ્હીમાં ગીત ગાતી વખતે ગાયક હરિહરનની(Hariharan) નજર તેમના પર પડી હતી. તેમણે જ કેકેને મુંબઈ આવવાની પ્રેરણા આપી હતી.
આ સમાચાર પણ વાંચો : ગાયક કેકે ના શરીર પર જોવા મળ્યા ઈજાના નિશાન-કોલકાતાના પોલીસ સ્ટેશનમાં નોંધવામાં આવ્યો કેસ-આ લોકોની થઇ શકે છે પુછપરછ
કેકેની સિંગિંગ કરિયરની વાત કરીએ તો તેણે 3 હજારથી વધુ જિંગલ્સ (Jingles)ગાયા છે. વર્ષ 1999 માં, તેણે સંજય લીલા ભણસાલીની ફિલ્મ 'હમ દિલ દે ચૂકે સનમ' નું ગીત 'તડપ-તડપ' ગાયું, જેણે તેમને પ્રથમ વખત દેશભરમાં ઓળખ મળી. બસ પછી શું હતું, આ પછી ગાયક કેકેએ ક્યારેય પાછળ વળીને જોયું નહોતું.
