News Continuous Bureau | Mumbai
ભલે ભારતમાં કોરોના વાયરસના કેસમાં ઘટાડો થયો છે પરંતુ તેમ છતાં લોકો આ વાયરસથી સંક્રમિત થઈ રહ્યા છે. બોલિવૂડની ઘણી હસ્તીઓ કોરોના વાયરસથી સંક્રમિત થઈ ચુકી છે.હવે બોલિવૂડમાંથી કોરોના વાયરસનો એક લેટેસ્ટ કેસ સામે આવ્યો છે. બોલિવૂડ અભિનેત્રી લારા દત્તા કોરોના વાયરસથી સંક્રમિત હોવાનું જાણવા મળ્યું છે. લારા દત્તાએ આ માહિતી આપી નથી. પરંતુ ઘણા અહેવાલોમાં લારા દત્તાના કોરોના પોઝિટિવ હોવાના સમાચાર સામે આવ્યા છે.
અહેવાલો અનુસાર, લારા દત્તા કોરોના વાયરસથી સંક્રમિત થઈ છે. એટલું જ નહીં, BMCએ અભિનેત્રીના ઘરને પણ સીલ કરી દીધું છે. અહેવાલો અનુસાર, BMCએ લારા દત્તાના ઘરની બહાર માઇક્રો કન્ટેનમેન્ટ ઝોનનું પોસ્ટર લગાવ્યું છે. સૂત્રોના જણાવ્યા અનુસાર તેના પરિવારમાં માત્ર લારા દત્તા જ કોરોના વાયરસથી સંક્રમિત થઈ છે. જો કે અત્યાર સુધી અભિનેત્રીએ આ સમાચારને સમર્થન આપ્યું નથી.
આ સમાચાર પણ વાંચો : લગ્નના સમાચાર વચ્ચે શ્રદ્ધા કપૂરનું તૂટ્યું દિલ, ચાર વર્ષ સુધી રિલેશન માં રહ્યા બાદ બોયફ્રેન્ડથી થઈ અલગ! જાણો શું છે આ પાછળ નું કારણ
વર્ક ફ્રન્ટની વાત કરીએ તો લારા દત્તા ફિલ્મ 'બેલ બોટમ'માં જોવા મળી હતી. આ ફિલ્મમાં અક્ષય કુમાર લારા દત્તાની સાથે વાણી કપૂર અને હુમા કુરેશી સાથે જોવા મળી હતી. આ સિવાય તે 'હિચક્સ એન્ડ હૂકઅપ્સ', 'હંડ્રેડ' અને 'કૌન બનેગા શિખરવતી' જેવા અનેક OTT પ્રોજેક્ટ્સમાં જોવા મળી છે.લારા દત્તા ટૂંક સમયમાં બીજી ઘણી વેબ સિરીઝમાં જોવા મળી શકે છે. તેની અગાઉની વેબ સિરીઝમાં તેના કામની ખૂબ પ્રશંસા કરવામાં આવી હતી. તેમજ, લારા દત્તાએ પોતે OTT પ્લેટફોર્મ પર કામ કરવા અંગે ખુશી વ્યક્ત કરી હતી.
