ન્યુઝ કન્ટિન્યુઝ બ્યુરો
મુંબઈ, 11 સપ્ટેમ્બર, 2021
શનિવાર
બૉલિવુડ અભિનેત્રી શ્રદ્ધા કપૂર આજકાલ પોતાના આગામી પ્રોજેક્ટ્સને લઈને ખૂબ જ વ્યસ્ત છે. તે દરમિયાન પણ પાપારાઝી તેને ઘણી જગ્યાએ સ્પોટ કરે છે. તાજેતરમાં જ શ્રદ્ધા એક રેસ્ટોરન્ટની બહાર જોવા મળી હતી, જેનો વીડિયો સામે આવ્યો હતો અને લોકો અભિનેત્રી પર ખૂબ ગુસ્સે થયા હતા. આ વીડિયોમાં શ્રદ્ધાની સામે એક વૃદ્ધ માણસ દેખાયો, જે મદદ માટે હાથ જોડીને તેની સામે દેખાયો. જ્યારે લોકોએ આ વીડિયો જોયો ત્યારે તેમને શ્રદ્ધાની પ્રતિક્રિયા ગમી ન હતી અને કોમેન્ટમાં ગુસ્સો વ્યક્ત કરતાં જોવા મળી હતી.
વાસ્તવમાં તાજેતરમાં અભિનેત્રી શ્રદ્ધા કપૂર મુંબઈના જુહુમાં એક રેસ્ટોરન્ટની બહાર મિત્રો સાથે જોવા મળી હતી. શ્રદ્ધા કપૂરનો આ વીડિયો સેલિબ્રિટી ફોટોગ્રાફર વિરલ ભાયાણીએ પોતાના ઇન્સ્ટાગ્રામ ઍકાઉન્ટ પરથી શૅર કર્યો છે. આ વીડિયોમાં શ્રદ્ધા તેના મિત્રો સાથે બપોરનું ભોજન કર્યા બાદ જઈ રહી હતી. આ દરમિયાન અચાનક એક વૃદ્ધ માણસ તેની સામે આવે છે, જે હાથ જોડીને અભિનેત્રી પાસે મદદ માગી રહ્યો હતો, પરંતુ વીડિયોના અંત સુધી તે મદદ કરી શકી નહીં.
આ વીડિયો જોયા બાદ ઘણા લોકોએ શ્રદ્ધા કપૂરની પ્રતિક્રિયા પર ગુસ્સો વ્યક્ત કર્યો છે. લોકોનું કહેવું છે કે અભિનેત્રીએ જાણી જોઈને વૃદ્ધની મદદની અવગણના કરી, ઘણા લોકોએ તો એમ પણ કહ્યું કે અભિનેત્રીને આવું કરવાથી શરમ આવવી જોઈતી હતી. જોકે ઘણા લોકોએ શ્રદ્ધાના સમર્થનમાં બોલતાં કહ્યું છે કે એવું લાગે છે કે તે કંઈક માટે ઉતાવળમાં હતી અને તે આ વ્યક્તિને જોઈ શકી નહોતી. વાયરલ થતો આ વીડિયો જુઓ અહીં.
