News Continuous Bureau | Mumbai
ટીવીનો પ્રખ્યાત કોમેડી શો 'તારક મહેતા કા ઉલ્ટા ચશ્મા' (TMKOC)ઘણા સમયથી દર્શકોનું મનોરંજન કરી રહ્યો છે. આ શોએ તાજેતરમાં 14 વર્ષ પૂર્ણ કર્યા છે. આટલા લાંબા સમય પછી પણ આ શો લોકોમાં એટલો જ લોકપ્રિય છે જેટલો પહેલા હતો. છેલ્લા કેટલાક વર્ષોમાં આ શોમાં ઘણા ફેરફારો જોવા મળ્યા છે. કારણ કે શોના ઘણા મહત્વના કલાકારોએ હવે શો છોડી દીધો છે. આવી સ્થિતિમાં, 'તારક મહેતા કા ઉલ્ટા ચશ્મા'ના નિર્માતાઓ આ કલાકારો વિના પણ દર્શકોનું મનોરંજન(entertainment) કરવાનો પ્રયાસ કરી રહ્યા છે. પણ ક્યાંક ને ક્યાંક દર્શકો આ કલાકારોને મિસ કરે છે.
હાલમાં જ શૈલેષ લોઢાએ(Shailesh Lodha) શો છોડી દીધો હતો, ત્યારબાદ મેકર્સ તેના રિપ્લેસમેન્ટની(replacement) શોધમાં હતા. તાજેતરના અહેવાલો અનુસાર, એવું લાગે છે કે મેકર્સની શોધ સાથે, ચાહકોની રાહ પણ સમાપ્ત થઈ ગઈ છે.
આ સમાચાર પણ વાંચો : તારક મહેતા કા ઉલ્ટા ચશ્મા માંથી શૈલેષ લોઢા ની એક્ઝિટ ની સાથે જ શોમાં થશે નવી એન્ટ્રી પોપટલાલ સાથે છે તેનું કનેક્શન
છેલ્લા ઘણા દિવસોથી શો માટે ચાલી રહેલ 'તારક મહેતા'ના મેકર્સની શોધ હવે પૂરી થઈ ગઈ છે. મીડિયા રિપોર્ટ પ્રમાણે, મેકર્સે આખરે 'તારક મહેતા કા ઉલ્ટા ચશ્મા' માટે નવો તારક મહેતા (Tarak Mehta)મેળવી લીધો છે. અભિનેતા જયનીરાજ રાજપુરોહિત(Jainiraj Rajpurohit) સાથે અસિત કુમાર મોદીની શોધનો અંત આવ્યો છે. રિપોર્ટ અનુસાર, શોના મેકર્સ તેના નામ વિશે વિચારી રહ્યા છે.જોકે, આ નિર્ણય અંગે નિર્માતાઓ દ્વારા કોઈ ઔપચારિક નિવેદન જારી કરવામાં આવ્યું નથી.
તમને જણાવી દઈએ કે એક્ટર જયનીરાજ રાજપુરોહિત ‘બાલિકા વધૂ’, ‘લાગી તુઝસે લગન’ અને ‘મિલે જબ હમ તુમ’ જેવી પ્રખ્યાત ટીવી સીરિયલ્સમાં(TV serials) જોવા મળી ચૂક્યા છે. આ સિવાય તેણે ‘ઓહ માય ગોડ’, ‘આઉટસોર્સ્ડ’ અને ‘સલામ વેંકી ડેઝી’ ફિલ્મોમાં પણ કામ કર્યું છે.શૈલેષ લોઢા થોડા સમય પહેલા જ શોમાંથી બહાર થઈ ગયા છે.
આ સમાચાર પણ વાંચો : શૈલેષ લોઢાના તારક મહેતા કા ઉલ્ટા ચશ્મા શો છોડવા પર નિર્માતા અસિત મોદીની પ્રિતિક્રિયા આવી સામે-કહી આ વાત
અહેવાલો અનુસાર, શૈલેષે શો છોડી દીધો કારણ કે તે હવે નવા પ્રોજેક્ટ (new project)પર કામ કરવા માંગતો હતો. આ શોને કારણે તે અન્ય કોઈ સિરિયલમાં કામ કરી શક્યો ન હતો. આ જ કારણથી તેણે આટલા લાંબા સમય પછી શોને અલવિદા કહ્યું. શૈલેષ પહેલા દિશા વાકાણી, નેહા મહેતા અને ગુરચરણ સિંહ પણ 'તારક મહેતા કા ઉલ્ટા ચશ્મા' છોડી ચૂક્યા છે.
