News Continuous Bureau | Mumbai
Nitin Gadkari Farah Khan Vlog : ફરાહ ખાનના લેટેસ્ટ વ્લોગમાં નિતિન ગડકરી સાથેની એક હળવી ક્ષણ જોવા મળી હતી. દિલ્હીના બંગલાની મુલાકાત દરમિયાન ગડકરીએ જણાવ્યું કે સોનિયા ગાંધી અને મનમોહન સિંહ તેમના પાડોશી છે. આ સાંભળી ફરાહ ખાને મજાક કરતા પૂછ્યું કે, “શું પાડોશી હોવાને નાતે તમે ક્યારેય સોનિયા ગાંધી પાસેથી ખાંડ ઉધાર લીધી છે?” આ સાંભળી ગડકરી જોરજોરથી હસવા લાગ્યા અને કહ્યું કે આવું નથી થતું, પણ મોર (Birds) એકબીજાના ગાર્ડનમાં આવતા-જતા રહે છે.
આ સમાચાર પણ વાંચો : Ikkis OTT Release : થિયેટર બાદ કયા OTT પ્લેટફોર્મ પર રિલીઝ થશે ‘ઈક્કીસ’? ધર્મેન્દ્રની છેલ્લી ફિલ્મની સ્ટ્રીમિંગ ડેટ આવી ગઈ સામે
વ્લોગની કેટલીક અન્ય રસપ્રદ વાતો
ફરાહ ખાને જ્યારે ગડકરીને પૂછ્યું કે તેમના લગ્નને કેટલા વર્ષ થયા, ત્યારે તેઓ થોડા કન્ફ્યુઝ થઈ ગયા અને પત્ની કંચન ગડકરી તરફ ઈશારો કર્યો. ફરાહ ખાને તરત જ ચપટી લેતા કહ્યું કે, “બરાબર એક પુરુષની જેમ જ, તેમને પોતાની વેડિંગ એનિવર્સરી યાદ નથી!” બાદમાં તેમની પત્નીએ જણાવ્યું કે લગ્નને ૪૧ વર્ષ થઈ ગયા છે.વાતચીત દરમિયાન એક ચોંકાવનારો કિસ્સો પણ સામે આવ્યો. ગડકરીએ જણાવ્યું કે એકવાર રસ્તો બનાવવાના પ્રોજેક્ટમાં તેમના સસરાનું ઘર વચ્ચે આવતું હતું. તેમણે કોઈ પણ પક્ષપાત વગર તે ઘર તોડી પડાવ્યું હતું. આ સાંભળીને ફરાહ ખાન પણ આશ્ચર્યચકિત થઈ ગઈ હતી.
નિતિન ગડકરીએ જણાવ્યું કે તેઓ હવે ફિટનેસ પર ખૂબ ધ્યાન આપી રહ્યા છે અને વજન પણ ઘટાડ્યું છે. તેઓ અઠવાડિયામાં ત્રણ દિવસ નાગપુર પોતાના પૌત્ર-પૌત્રીઓ સાથે વિતાવે છે અને ત્રણ દિવસ દિલ્હીમાં રહીને કામકાજ સંભાળે છે. ફરાહને તેમના ઘરની ઓર્ગેનિક ખેતી અને ગાયના છાણથી બનેલો પેઈન્ટ (Paint) પણ ખૂબ ગમ્યો હતો.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
