ન્યુઝ કન્ટિન્યુઝ બ્યુરો
મુંબઈ, 23 ડિસેમ્બર 2021
ગુરુવાર
તાજેતરમાં 200 કરોડની મની લોન્ડરિંગનો ખુલાસો થયો હતો. જે બાદ આ કેસમાં દરરોજ નવા ખુલાસા થઈ રહ્યા છે. આ કેસમાં મુખ્ય આરોપી સુકેશ ચંદ્રશેખરે અભિનેત્રી જેકલીન ફર્નાન્ડીઝનું નામ આપ્યું હતું.પૂછપરછ દરમિયાન સુકેશે જેકલીનને લાખોની ગિફ્ટ આપવાની વાત કહી હતી. આ સિવાય અભિનેત્રી નોરા ફતેહીનું નામ પણ ચાર્જશીટમાં લેવામાં આવ્યું હતું. સુકેશના કહેવા પ્રમાણે તેણે નોરાને એક મોંઘી કાર ગિફ્ટ કરી હતી.આ કેસમાં એન્ફોર્સમેન્ટ ડિરેક્ટોરેટ (ED) દ્વારા બંને અભિનેત્રીઓની પૂછપરછ કરવામાં આવી હતી. EDની પૂછપરછ દરમિયાન નોરા ફતેહીએ પોતાના પર લાગેલા આરોપોને નકારી કાઢ્યા હતા.હવે આ કેસમાં વધુ એક સમાચાર સામે આવ્યા છે, જે મુજબ નોરા ફતેહી મની લોન્ડરિંગ કેસમાં સાક્ષી બનવા જઈ રહી છે.
અહેવાલો અનુસાર, અભિનેત્રી નોરા ફતેહી હવે મની લોન્ડરિંગ કેસમાં ઠગ સુકેશ ચંદ્રશેખર વિરુદ્ધ સાક્ષી બનશે. તે સુકેશ ચંદ્રશેખર વિરુદ્ધ કાર્યવાહીમાં સાક્ષી તરીકે હાજર થશે.હાલમાં જ સુકેશે આરોપ લગાવ્યો હતો કે તેણે ચેન્નાઈમાં એક ઈવેન્ટમાં નોરા ફતેહીને BMW કાર અને આઈફોન ગિફ્ટ કર્યા હતા.જે બાદ એન્ફોર્સમેન્ટ ડિરેક્ટોરેટે નોરાની પૂછપરછ કરી હતી પરંતુ નોરાએ તમામ આરોપોને નકારી કાઢ્યા હતા. હવે નોરા આ કેસમાં સાક્ષી બન્યા બાદ ઘણા ખુલાસા થવાની આશા છે.મની લોન્ડરિંગ કેસમાં જ્યારે એન્ફોર્સમેન્ટ ડિરેક્ટોરેટ તરફથી નોરા ફતેહીની પૂછપરછ કરવામાં આવી હતી, ત્યારે નોરા ફતેહીએ BMW કાર વિશે જણાવ્યું હતું કે તેને આ કાર ભેટમાં નહીં પરંતુ ઈવેન્ટમાં ભાગ લેવા માટે આપવામાં આવી હતી. નોરાએ જણાવ્યું કે સુકેશની પત્ની લીના મારિયા પોલે બધાની સામે આ વાતની જાહેરાત કરી હતી.
સુકેશે જેકલીનને આ લાલચ આપીને તેને પોતાની જાળમાં ફસાવી,જાણો વિગત
તમને જણાવી દઈએ કે એન્ફોર્સમેન્ટ ડિરેક્ટોરેટ વતી 200 કરોડના મની લોન્ડરિંગ કેસમાં સુકેશ ચંદ્રશેખર, તેમની પત્ની અભિનેત્રી લીના મારિયા પોલ અને અન્ય છ લોકો વિરુદ્ધ ચાર્જશીટ દાખલ કરવામાં આવી હતી.જે બાદ એક પછી એક નવી વાતો સામે આવી રહી છે. આ મામલામાં જેકલીન અને નોરા સહિત અનેક બોલિવૂડ સેલિબ્રિટીઓના નામ સામે આવી રહ્યા છે. આવી સ્થિતિમાં, ED દરેક રીતે આ કેસની તપાસમાં વ્યસ્ત છે.
