અભિનેત્રી શિલ્પા શેટ્ટીના પતિ રાજ કુન્દ્રાની પોર્નોગ્રાફિક કન્ટેન્ટ બદલ ધરપકડ કરાયા બાદ મુંબઈ પોલીસે રાજ કુન્દ્રાની કંપનીના અલગ અલગ એકાઉન્ટમાંથી 7.5 કરોડ રૂપિયા પણ જપ્ત કર્યા છે.
આ કમાણી અશ્લિલ કન્ટેન્ટ માટે ની એપ થકી થઈ હોવાનું પોલીસ માની રહી છે.
આ અંગે મુંબઇ પોલીસ ક્રાઇમ બ્રાન્ચના કમિશનરે કહ્યું હતું કે, કુંદ્રાનો અશ્લિલ ફિલ્મોને વેપાર લોકડાઉનમાં પણ સારો ચાલી રહ્યો હતો અને તે એક દિવસમાં 6-8 લાખની કમાણી કરી રહ્યો હતો.
તેમણે કહ્યુ હતુ કે, કુન્દ્રાએ 18 મહિના પહેલા આ બિઝનેસની શરૂઆત કરી હતી. શરૂઆતમાં દિવસની બે થી ત્રણ લાખની કમાણી થતી હતી પણ એ પછી આ રકમ વધીને 6 થી 8 લાખ રૂપિયા થઈ ગઈ હતી.
