News Continuous Bureau | Mumbai
તમિલ સુપરસ્ટાર રજનીકાંતે તાજેતરમાં જ પોતાના અધિકારો ના ઉલ્લંઘન સામે જાહેર નોટિસ જાહેર કરી છે. આ નોટિસ દ્વારા સુપરસ્ટાર રજનીકાંતે ચેતવણી આપી છે કે હવે તેનો અવાજ અને તેનો ફોટો પરવાનગી વગર વાપરી શકાશે નહીં. અભિનેતાએ આ પગલું તે લોકો વિરુદ્ધ ઉઠાવ્યું છે જેઓ તેના અવાજ અને તેની તસવીરોનું વ્યાવસાયિક રીતે શોષણ કરે છે. સુપરસ્ટાર રજનીકાંત ના વકીલે આ જાહેર નોટિસ જારી કરી છે. જેમાં અભિનેતાના વ્યક્તિત્વનો ભંગ કરનાર સામે સિવિલ અને ફોજદારી કાર્યવાહીની પણ ચેતવણી આપવામાં આવી છે. આમાં તેનો અવાજ, છબી, નામ અને અન્ય વર્તનનો સમાવેશ થાય છે.
#Superstar @rajinikanth issues public notice against “unauthorised use of his name, image, and voice!” pic.twitter.com/tZ8jOUfGWI
— Sreedhar Pillai (@sri50) January 28, 2023
રજનીકાંત પહેલા અમિતાભ બચ્ચને પણ મેળવ્યા હતા વ્યક્તિત્વના અધિકારો
રજનીકાંત પહેલા સુપરસ્ટાર અમિતાભ બચ્ચને પણ આવું જ કડક પગલું ભર્યું હતું. સુપરસ્ટાર અમિતાભ બચ્ચન દિલ્હી હાઈકોર્ટમાં ગયા હતા અને વ્યક્તિત્વ અધિકારો દ્વારા તેમના અવાજ અને છબી નો દુરુપયોગ કરનારાઓ સામે પગલાં લેવાનો અધિકાર મેળવ્યો હતો. જે બાદ કોર્ટે તેને મંજૂરી આપી હતી. હવે, સુપરસ્ટાર અમિતાભ બચ્ચન પછી, તે જ દિશામાં, રજનીકાંતે નોટિસ જારી કરી છે અને તેમના અવાજ અને છબી નો દુરુપયોગ કરનારાઓ સામે કડક કાર્યવાહી કરવાનો અધિકાર મેળવ્યો છે.
રજનીકાંત આ ફિલ્મોમાં વ્યસ્ત છે
સુપરસ્ટાર રજનીકાંત 72 વર્ષના છે. અત્યારે પણ તે પોતાની ફિલ્મોને લઈને ખૂબ જ એક્ટિવ છે. છેલ્લી વખતે થલાઈવા તેની ફિલ્મ અન્નાથે માં જોવા મળ્યા હતા. આ ફિલ્મે તમિલ સિનેમામાં ઘણા રેકોર્ડ તોડ્યા હતા. હવે સુપરસ્ટાર તેની આગામી ફિલ્મ ‘જેલર’ માં વ્યસ્ત છે.આ ફિલ્મ પાન ઈન્ડિયા લેવલ પર રિલીઝ થવાની છે. આ ફિલ્મને લઈને ચાહકોમાં પહેલેથી જ જોરદાર ક્રેઝ છે.
