News Continuous Bureau | Mumbai
Madhavan: બોલિવૂડના દિગ્ગજ અભિનેતા આર. માધવને તેમની બ્લોકબસ્ટર ફિલ્મ ‘ધુરંધર’ ના શૂટિંગ સેટનો એક અત્યંત રસપ્રદ અને રમૂજી કિસ્સો શેર કર્યો છે. માધવને જણાવ્યું કે કેવી રીતે લેહ-લદ્દાખમાં શૂટિંગ દરમિયાન તેમના આગમન સાથે જ હવામાન બદલાઈ ગયું અને ડાયરેક્ટર આદિત્ય ધરના પ્લાનિંગ પર પાણી ફરી વળ્યું. આ કારણે આખરે સેટ પર તેમનું નામ ‘રેનમેન’ પડી ગયું હતું.
આ સમાચાર પણ વાંચો : Anupamaa Upcoming Twist: અનુપમા માં હાઈ-વોલ્ટેજ ડ્રામા: અનુપમા પર લાઠીથી હુમલો, શું તે ચૉલના રહેવાસીઓના ઘર બચાવી શકશે?
સેટ પર પહોંચતા જ વરસાદની શરૂઆત
માધવને ઇન્સ્ટાગ્રામ પર એક વીડિયો શેર કર્યો છે, જેમાં તે લદ્દાખની સુંદરતા બતાવતા કહે છે કે, “આજે લદ્દાખમાં સરસ તડકો હોવો જોઈતો હતો, પણ લાગે છે કે હું જ્યાં પણ જાઉં છું ત્યાં મારી સાથે વરસાદ લઈને જાઉં છું.” માધવને વધુમાં લખ્યું કે, ડાયરેક્ટર આદિત્ય ધર ઈચ્છતા હતા કે આકાશ એકદમ બ્લુ હોય અને તડકો નીકળ્યો હોય જેથી લોકેશનની સુંદરતા ઉભરી આવે. પરંતુ માધવનના આવતાની સાથે જ ધોધમાર વરસાદ શરૂ થઈ ગયો.
ડાયરેક્ટરે જે પ્લાનિંગ કર્યું હતું તેનાથી વિપરીત હવામાન મળવા છતાં, તે ફિલ્મના પહેલા શોટ માટે વરદાન સાબિત થયું. માધવને જણાવ્યું કે, “ગ્રે આકાશ અને વરસાદવાળો આ સીન પહેલા શોટ માટે એકદમ ફિટ બેસી ગયો. ક્યારેક જે મળે છે તે જ સૌથી શ્રેષ્ઠ હોય છે.” સેટ પરના લોકો હવે માધવનને મજાકમાં કહેવા લાગ્યા છે કે તેની એન્ટ્રી થાય એટલે વરસાદ નક્કી જ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
