News Continuous Bureau | Mumbai
Rajkummar Rao New Look: તાજેતરમાં કાસ્ટિંગ ડાયરેક્ટર મુકેશ છાબડાના એક ઇવેન્ટમાં રાજકુમાર રાવ ને જોઈને ફેન્સ ચોંકી ગયા હતા. વધેલું વજન અને માથા પર ઓછા વાળ જોઈને લોકો જાતજાતની અટકળો લગાવી રહ્યા હતા. જોકે, હવે રાજકુમારે પોતે જ સોશિયલ મીડિયા પર પોસ્ટ મૂકીને આ બધી અફવાઓ પર પૂર્ણવિરામ મૂકી દીધું છે. તેણે જણાવ્યું કે આ લુક તેની આગામી ફિલ્મ ‘નિકમ’ માટે છે. રાજકુમાર રાવે ઇન્સ્ટાગ્રામ પર ઉજ્જવલ નિકમ અને સૌરવ ગાંગુલીની તસવીરો શેર કરતા લખ્યું કે, તેણે હાલમાં જ પ્રખ્યાત સરકારી વકીલ ઉજ્જવલ નિકમની બાયોપિકનું શૂટિંગ પૂર્ણ કર્યું છે. આ પાત્રને ન્યાય આપવા માટે તેણે કોઈ પ્રોસ્થેટિક મેકઅપનો ઉપયોગ કરવાને બદલે કુદરતી રીતે જ પોતાનું લુક બદલ્યું છે.
આ સમાચાર પણ વાંચો : Dhurandhar: ધુરંધરનો દબદબો! રણવીર સિંહે બોક્સ ઓફિસના તમામ સમીકરણો બદલ્યા, ‘સ્ત્રી 2’ અને ‘છાવા’ નો રેકોર્ડ તોડી રચ્યો નવો ઇતિહાસ
‘નિકમ’ માટે ખાધા પિઝા અને આલુ પરાઠા
ઉજ્જવલ નિકમ જેવા દેખાવા માટે રાજકુમાર રાવે આશરે ૯ થી ૧૦ કિલો વજન વધાર્યું છે. તેણે ખુલાસો કર્યો કે આ માટે તેણે દરરોજ ૨ પિઝા, મીઠાઈઓ, આલુ પરાઠા અને બિરયાની ખાઈને પોતાનું વજન વધાર્યું હતું. એટલું જ નહીં, તેણે હેર સ્ટાઇલિસ્ટની મનાઈ છતાં પોતાના વાળ પણ પાતળા કરાવ્યા જેથી તે પાત્ર મુજબ વૃદ્ધ દેખાઈ શકે. રાજકુમારે કહ્યું કે તે હંમેશા પાત્રમાં ઊંડા ઉતરવામાં માને છે, જેમ કે તેણે ‘ટ્રેપ્ડ’ કે ‘શ્રીકાંત’ માટે કર્યું હતું.
રાજકુમાર રાવે વધુમાં જણાવ્યું કે હવે તેણે ‘નિકમ’ નું શૂટિંગ પૂરું કર્યું છે અને હવે ફરીથી ફિટ થવાનો સમય આવી ગયો છે. તે હવે પૂર્વ ક્રિકેટર સૌરવ ગાંગુલીની બાયોપિક માટે તૈયારી કરી રહ્યો છે. ગાંગુલી એટલે કે આપણા ‘દાદા’ ના અંદાજમાં ઢળવા માટે તેણે હવે વધારાનું વજન ઘટાડવાનું શરૂ કરી દીધું છે. તેની આ મહેનત જોઈને ચાહકો ફરી એકવાર તેના ડેડિકેશનના વખાણ કરી રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
