ન્યુઝ કન્ટિન્યુઝ બ્યુરો
મુંબઈ, 26 જાન્યુઆરી 2022
બુધવાર
એન્ટરટેઈનમેન્ટ ક્વીન કહેવાતી અભિનેત્રી અને મોડલ રાખી સાવંતને કોણ નથી ઓળખતું . જ્યારથી તે બિગ બોસ 15માં ગઈ છે ત્યારથી શોની ટીઆરપી વધી ગઈ છે. રાખી સાવંત તેના વિવાદાસ્પદ નિવેદનોને કારણે હિન્દી સિનેમામાં ચર્ચાનો વિષય બની રહે છે. રાખીની પ્રોફેશનલ લાઈફ કરતાં પણ વધુ તેની પર્સનલ લાઈફ લાઈમલાઈટમાં રહે છે.જ્યારે રાખી તેના પતિ રિતેશ સાથે બિગ બોસ 15માં પ્રવેશી ત્યારે બધાને આશ્ચર્ય થયું હતું. રાખી લાંબા સમયથી પોતાને પરિણીત ગણાવે છે, પરંતુ તેના પતિનો ખુલાસો ક્યારેય કરવામાં આવ્યો ન હતો.બિગ બોસ 15માં જ્યારે રાખી પોતાના પતિ રિતેશ સાથે આવી તો લોકોના હોશ ઉડી ગયા. શોમાં ભાગ લીધા બાદ પણ રાખી અને રિતેશના સંબંધો પર અનેકવાર સવાલો ઉઠ્યા છે, પરંતુ આ વખતે એક એવો ખુલાસો થયો છે જેણે બધાના દિલ હચમચાવી દીધા છે.
શોમાં રિતેશને તેના પતિ કહેનાર રાખીએ હાલમાં જ કંઈક એવું કહ્યું છે જેનાથી બધાના હોશ ઉડી ગયા. શોમાં રેડિયો જોકી સાથેની વાતચીતમાં રાખી સાવંતે પોતાના લગ્નને લઈને ઘણા મોટા ખુલાસા કર્યા છે. રાખીના આ લગ્ન કાયદેસર નથી. આરજેએ રાખીને પૂછ્યું કે તમે કાયદેસર રીતે પરિણીત છો ને? આના પર અભિનેત્રીએ ચુપકીદી સેવી અને કંઈ પણ ન કહ્યું.આ પછી રાખી સાવંતે કહ્યું કે તેણે રિતેશ સાથે તેના લગ્નની નોંધણી કરાવી નથી. તેણે કહ્યું કે આ લગ્ન હજુ કાયદાકીય રીતે માન્ય નથી. તેઓએ ભગવાનને સાક્ષી માનીને એક રૂમમાં લગ્ન કર્યા. રાખીએ કબૂલાત કરી છે કે કાયદાની નજરમાં તે હજુ પણ અપરિણીત છે.
આટલું જ નહીં રાખીએ તેના પતિ રિતેશ સામે એક શરત પણ મૂકી છે. આરજે સાથેની વાતચીત દરમિયાન તેણે કહ્યું કે હવે રીતેશે આ લગ્નને કાયદેસર રીતે રજીસ્ટર કરાવવું પડશે અને તેને લગ્નના પુરાવાની પણ જરૂર છે. રાખીએ કહ્યું કે જો રિતેશ આ નહીં કરી શકે તો તે હવે તેની સાથે રહી શકશે નહીં. તમને જણાવી દઈએ કે થોડા દિવસો પહેલા રિતેશ વિશે સમાચાર આવ્યા હતા કે તે પરિણીત છે. એક મહિલા અને બાળક સાથે તેની તસવીર પણ વાયરલ થઈ હતી.
