News Continuous Bureau | Mumbai
બોલિવૂડના સૌથી પ્રિય યુગલોમાંથી એક, રણબીર કપૂર અને આલિયા ભટ્ટે ગયા વર્ષે 14 એપ્રિલના રોજ લગ્ન કર્યા હતા. એટલે કે રણબીર અને આલિયાની ફર્સ્ટ વેડિંગ એનિવર્સરી થોડા દિવસો પહેલા જ હતી. આ પ્રસંગે, કપલ બાંદ્રામાં તેમના નિર્માણાધીન ઘરની બહાર જોવા મળ્યું હતું. અહીં બંને ખૂબ જ કેઝ્યુઅલ લુકમાં જોવા મળ્યા હતા. જો કે, આ સમય દરમિયાન નેટીઝન્સે આલિયા ભટ્ટના હાથમાં પણ કંઈક જોયું, જેના વિશે એવી અટકળો લગાવવામાં આવી રહી છે કે રણબીર કપૂરે તેની પ્રથમ વર્ષગાંઠને ખાસ બનાવવા માટે તેના લેડી લવ પર ઘણો ખર્ચ કર્યો છે.
રણબીર કપૂરે આપ્યું મોંઘુ પર્સ
વર્ષગાંઠના અવસર પર, આલિયા બ્લેક ટ્રાઉઝર અને સફેદ ટી-શર્ટ પહેરીને રણબીર કપૂર સાથે તેના નવા બંગલાનું નિરીક્ષણ કરવા આવી હતી. આ દરમિયાન ઈન્ટરનેટ પર ઘણા ફોટા અને વીડિયો ખૂબ વાયરલ થઈ રહ્યા છે. આ વીડિયોમાંથી એકમાં આલિયા ભટ્ટના હાથમાં ચેનલ બ્રાન્ડની હેન્ડબેગ જોવા મળી રહી છે. નેટીઝન્સ આ વિશે અનુમાન લગાવી રહ્યા છે કે રણબીર કપૂરે આ બેગ આલિયાને ગિફ્ટ કરી છે. આ ગુલાબી રંગની બેગ ચેનલ બ્રાન્ડની હતી. તેની કિંમત 12250 યુએસ ડોલર એટલે કે લગભગ 10 લાખ રૂપિયા છે.આ જ કારણ છે કે ચાહકોને લાગે છે કે રણબીર તેની પત્ની આલિયા માટે લંડનથી આ મોંઘી હેન્ડબેગ લાવ્યો હતો.
રણબીર કપૂરે લંડન થી ખરીદી ગિફ્ટ
આ દિવસોમાં રણબીર તેની આગામી ફિલ્મ ‘એનિમલ’ના શૂટિંગમાં વ્યસ્ત છે. તેની વર્ષગાંઠના એક દિવસ પહેલા, અભિનેતા લંડનથી મુંબઈ પરત ફરતી વખતે એરપોર્ટ પર જોવા મળ્યો હતો. તે સમયે રણબીર એક શોપિંગ બેગ લઈને જઈ રહ્યો હતો જેના પર ચેનલ લખેલું હતું. તેથી, એવું કહેવામાં આવે છે કે વર્ષગાંઠના અવસર પર રણબીર આલિયા ભટ્ટ માટે લંડનથી ચેનલ હેન્ડબેગ લાવ્યો છે.
