News Continuous Bureau | Mumbai
Ranveer Singh Pralay Movie: ‘ધુરંધર’ની સફળતા બાદ રણવીર સિંહ હવે તેની મહત્વાકાંક્ષી ફિલ્મ ‘પ્રલય’ની તૈયારીઓમાં લાગી ગયો છે. મીડિયા રિપોર્ટ્સ અનુસાર, આ ફિલ્મ માટે મેકર્સે સાઉથની લોકપ્રિય અભિનેત્રી કલ્યાણી પ્રિયદર્શનને (Kalyani Priyadarshan) લીડ એક્ટ્રેસ તરીકે ફાઈનલ કરી લીધી છે. આ એક બિગ બજેટ પ્રોજેક્ટ હશે, જેમાં રણવીર સિંહ પહેલીવાર ઝોમ્બી એક્શન જોનરમાં જોવા મળશે. કલ્યાણી પ્રિયદર્શન આ ફિલ્મ દ્વારા સત્તાવાર રીતે હિન્દી સિનેમામાં ડેબ્યૂ કરવા જઈ રહી છે.
આ સમાચાર પણ વાંચો : Dhurandhar Tax Free: રણવીર સિંહની ‘ધુરંધર’ એ રચ્યો ઈતિહાસ: 1100 કરોડની કમાણી સાથે બોક્સ ઓફિસ પર દબદબો, હવે આ રાજ્ય માં ફિલ્મ થઈ ટેક્સ ફ્રી!
કોણ છે કલ્યાણી પ્રિયદર્શન?
કલ્યાણી પ્રિયદર્શન મલયાલમ અને તેલુગુ સિનેમાનું જાણીતું નામ છે. તે પ્રખ્યાત ડાયરેક્ટર પ્રિયદર્શનની પુત્રી છે. તાજેતરમાં જ તેની ફિલ્મ ‘લોકા: ચેપ્ટર વન ચંદ્રા’માં તેના અભિનયના ખૂબ વખાણ થયા હતા. રણવીર સિંહ સાથેની તેની કેમિસ્ટ્રી અને ઝોમ્બી જોનરની વાર્તા દર્શકો માટે કંઈક નવું લઈને આવશે. કલ્યાણીએ આ રોલ માટે તૈયારીઓ પણ શરૂ કરી દીધી છે.
‘પ્રલય’ રણવીર સિંહના કરિયર માટે ખૂબ જ ખાસ છે કારણ કે તે આ ફિલ્મ દ્વારા પ્રોડ્યુસર તરીકે ડેબ્યૂ કરી રહ્યો છે. રણવીર પોતાની કંપની ‘માં કસમ ફિલ્મ્સ’ (Maa Kasam Films) હેઠળ આ ફિલ્મનું કો-પ્રોડક્શન કરશે. આ ફિલ્મ એપ્રિલ ૨૦૨૬માં ફ્લોર પર જવાની શક્યતા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
