News Continuous Bureau | Mumbai
Ranveer Singh Pralay: બોલીવુડ એક્ટર રણવીર સિંહ તેની તાજેતરની સ્પાય થ્રિલર ફિલ્મ ‘ધુરંધર’ ની ભવ્ય સફળતા બાદ હવે બોક્સ ઓફિસ પર નવો ધમાકો કરવા તૈયાર છે. રણવીર સિંહની આગામી ફિલ્મ ‘પ્રલય’ ને લઈને અત્યારથી જ ભારે ઉત્તેજના જોવા મળી રહી છે. આ એક જોમ્બી ડ્રામા ફિલ્મ છે જે રણવીરની કારકિર્દીનો સૌથી મહત્વાકાંક્ષી પ્રોજેક્ટ માનવામાં આવી રહ્યો છે.
આ સમાચાર પણ વાંચો : Rajpal Yadav Net Worth: રાજપાલ યાદવની નેટવર્થ અને મુશ્કેલીઓ: કરોડોની સંપત્તિ છતાં જેલ જવાનો કેમ આવ્યો વારો? જાણો કેટલી છે તેની કમાણી અને કોણ આવ્યું મદદે
૩૦૦ કરોડનું માતબર બજેટ
મીડિયા રિપોર્ટ મુજબ, ‘પ્રલય’ નું બજેટ અંદાજે ૩૦૦ કરોડ રૂપિયા છે. આ રણવીર સિંહના કરિયરની અત્યાર સુધીની સૌથી મોંઘી સોલો ફિલ્મ હશે. આ જંગી બજેટમાં હાઈ-ક્વોલિટી સ્ક્રિપ્ટથી લઈને વિઝ્યુઅલ ઈફેક્ટ્સ (VFX) સુધીની તમામ બાબતો પર ખાસ ધ્યાન આપવામાં આવ્યું છે. રિપોર્ટ્સ મુજબ, રણવીર સિંહે આ ફિલ્મ માટે બેકએન્ડ પ્રોફિટ-શેરિંગ ડીલ પણ કરી છે.
આ ફિલ્મનું નિર્દેશન હંસલ મહેતાના પુત્ર જય મહેતા કરી રહ્યા છે. ફિલ્મની વાર્તા કોવિડ-૧૯ મહામારીની પૃષ્ઠભૂમિ પર આધારિત છે, જેમાં પોસ્ટ-એપોકેલિપ્ટિક દુનિયા, જોમ્બી થ્રિલર, જોરદાર એક્શન અને પરિવારની ઈમોશનલ સ્ટોરી જોવા મળશે. એવા અહેવાલો છે કે આ ફિલ્મમાં રણવીર સિંહ સાથે મુખ્ય અભિનેત્રી તરીકે કલ્યાણી પ્રિયદર્શન જોવા મળી શકે છે. જોકે, હજુ સુધી આ અંગે સત્તાવાર જાહેરાત થઈ નથી. ફિલ્મનું શૂટિંગ મે અથવા જૂન ૨૦26 માં શરૂ થવાની અપેક્ષા છે.‘પ્રલય’ પહેલા રણવીર સિંહ ‘ધુરંધર ૨’ માં જોવા મળશે, જે ૧૯ માર્ચ ૨૦૨૬ ના રોજ રિલીઝ થવાની છે..
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
