News Continuous Bureau | Mumbai
Rashmika and Vijay Wedding:સાઉથ સિનેમાના સૌથી લોકપ્રિય કપલ રશ્મિકા મંદાના અને વિજય દેવરકોંડાના લગ્નની ચર્ચાઓ અત્યારે ટોક ઓફ ધ ટાઉન છે. રિપોર્ટ મુજબ, આ કપલ આગામી 26 ફેબ્રુઆરીએ લગ્નના બંધનમાં બંધાઈ શકે છે. આ દરમિયાન ઓટીટી પ્લેટફોર્મ નેટફ્લિક્સે તેમના લગ્નના એક્સક્લુઝિવ સ્ટ્રીમિંગ રાઈટ્સ માટે 60 કરોડની જંગી ઓફર આપી હોવાના સમાચાર સામે આવ્યા છે. મીડિયા રિપોર્ટ અનુસાર, નેટફ્લિક્સ ઈચ્છતું હતું કે આ લક્ઝરી વેડિંગનું શૂટિંગ કરીને ફેન્સ માટે પ્રસારિત કરવામાં આવે. જોકે, રશ્મિકા અને વિજયે આ ઓફરને સ્પષ્ટપણે નકારી દીધી છે. અગાઉ સાઉથ સુપરસ્ટાર નયનતારા અને વિગ્નેશ શિવને પોતાના વેડિંગ રાઈટ્સ 25 કરોડમાં વેચ્યા હતા, પરંતુ રશ્મિકા-વિજયે તેનાથી બમણી રકમની ઓફર હોવા છતાં તેને સ્વીકારી નથી.
આ સમાચાર પણ વાંચો : Karan Tejasswi Wedding: કરણ કુંદ્રા અને તેજસ્વી પ્રકાશના લગ્નને લઈને મોટો ખુલાસો: પ્રિન્સ નરુલાએ આપ્યો ખાસ સંકેત, શું કોઈ ટીવી શોમાં થશે લગ્ન?
પ્રાઈવસી અને વિવાદોથી દૂર રહેવાનો પ્રયાસ
રિપોર્ટમાં જણાવવામાં આવ્યું છે કે રશ્મિકા અને વિજય પોતાના અંગત જીવનને લઈને અત્યંત સાવચેત છે. ભૂતકાળમાં થયેલી કેટલીક કોન્ટ્રોવર્સીઝ બાદ તેઓ કોઈ રિસ્ક લેવા માંગતા નથી. તેઓ ઈચ્છે છે કે તેમના લગ્ન ખૂબ જ ખાનગી રીતે અને માત્ર નજીકના મિત્રો તેમજ પરિવારની હાજરીમાં જ થાય. કેમેરા અને લાઈમલાઈટથી દૂર રહીને આ ખાસ દિવસને તેઓ પર્સનલ રાખવા માંગે છે.
તાજેતરમાં જ્યારે રશ્મિકા મંદાના એરપોર્ટ પર સ્પોટ થઈ, ત્યારે પેપરાઝીએ તેને લગ્ન વિશે સવાલ કર્યો હતો કે, “તમે અમને આમંત્રણ કેમ નથી આપતા?” આ સવાલ સાંભળીને રશ્મિકા માત્ર શરમાઈને હસવા લાગી હતી. તેણે મજાકમાં કહ્યું કે, “હજુ તો ફિલ્મ રિલીઝ થવાની છે, અત્યારે તો કંઈક કરવું પડશે.” આ મૌન અને તેની સ્માઈલ લગ્નની અટકળોને વધુ વેગ આપી રહી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
