News Continuous Bureau | Mumbai
Rashmika Vijay Wedding Date: સાઉથ સિનેમાનું સૌથી ચર્ચિત કપલ રશ્મિકા મંદાના અને વિજય દેવરકોંડા હવે તેમના સંબંધોને નવું નામ આપવા તૈયાર છે. લાંબા સમયથી ચાલી રહેલી અફવાઓ વચ્ચે હવે આ કપલના લગ્નની વિગતો સામે આવી છે. મીડિયા રિપોર્ટ્સ અનુસાર, રશ્મિકા અને વિજય 26 ફેબ્રુઆરી 2026ના રોજ રાજસ્થાનના ઉદયપુરમાં એક શાહી મહેલમાં લગ્ન કરવા જઈ રહ્યા છે. આ લગ્ન અત્યંત ખાનગી રાખવામાં આવ્યા છે, જેમાં માત્ર નજીકના સંબંધીઓ જ હાજર રહેશે. લગ્નની વિધિઓ વિશે વાત કરીએ તો, પ્રી-વેડિંગ ફંક્શન 24 ફેબ્રુઆરીથી શરૂ થશે. 24મી ફેબ્રુઆરીએ સંગીત અને મહેંદીની રસમ યોજાશે, જ્યારે 25મી ફેબ્રુઆરીએ હલ્દી સેરેમની નું આયોજન કરવામાં આવ્યું છે. કપલે લગ્ન માટે ઉદયપુરના એક ઐતિહાસિક પેલેસ ને પસંદ કર્યો છે, જે આ લગ્નને ભવ્ય અને શાહી લુક આપશે.
આ સમાચાર પણ વાંચો : Toxic Teaser: રોકી ભાઈનો નવો અવતાર! ‘ટૉક્સિક’ના ટીઝરમાં યશના લુકે મચાવી ધૂમ, ૧૯ માર્ચે બોક્સ ઓફિસના રેકોર્ડ તોડવા તૈયાર છે સુપરસ્ટાર
કોઈ સેલેબ્સને આમંત્રણ નહીં, પણ યોજાશે બે રિસેપ્શન
સૂત્રોના જણાવ્યા અનુસાર, ઉદયપુરમાં યોજાનારા લગ્નમાં તેલુગુ અથવા હિન્દી ફિલ્મ ઈન્ડસ્ટ્રીના કોઈ પણ મોટા કલાકારોને આમંત્રિત કરવામાં આવ્યા નથી. જોકે, લગ્ન બાદ આ કપલ બે મોટી રિસેપ્શન પાર્ટી આપવાનું વિચારી રહ્યું છે. જેમાં એક રિસેપ્શન હૈદરાબાદમાં અને બીજું મુંબઈમાં યોજાઈ શકે છે, જ્યાં બોલિવૂડ અને સાઉથ ઈન્ડસ્ટ્રીના દિગ્ગજો હાજરી આપશે તેવી શક્યતા છે.
સોશિયલ મીડિયા પર વિજય દેવરકોંડાના હૈદરાબાદ સ્થિત ઘરના વીડિયો વાયરલ થઈ રહ્યા છે, જેમાં તેનું આખું ઘર લાઈટ્સથી શણગારવામાં આવ્યું છે. આ જોઈને ચાહકોમાં ભારે ઉત્સાહ જોવા મળી રહ્યો છે. અહેવાલો મુજબ, આ કપલે 3 ઓક્ટોબર 2025ના રોજ સગાઈ કરી લીધી હતી. જોકે, હજુ સુધી વિજય કે રશ્મિકા તરફથી લગ્ન અંગે કોઈ સત્તાવાર પુષ્ટિ કરવામાં આવી નથી.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
