News Continuous Bureau | Mumbai
Rashmika Vijay Real Name:સાઉથ સુપરસ્ટાર વિજય દેવરકોંડા અને રશ્મિકા મંદાનાએ ૨૬ ફેબ્રુઆરી ૨૦૨૬ના રોજ લગ્ન કરીને નવી જિંદગીની શરૂઆત કરી છે. ઉદયપુરમાં થયેલા આ શાહી લગ્ન બાદ હવે તેમના પૂરા નામની ચર્ચા સોશિયલ મીડિયા પર છવાયેલી છે. મોટાભાગના ફેન્સને ખબર નથી કે રશ્મિકાનું સત્તાવાર નામ ઘણું મોટું છે, જે તેને તેના પરિવાર તરફથી મળ્યું છે.રશ્મિકાનું આખું નામ ‘મુંડાચદીરા રશ્મિકા મંદાના’ (Mundachadira Rashmika Mandanna) છે. ‘મુંડાચદીરા’ તેનું ફેમિલી સરનેમ છે. થોડા વર્ષો પહેલા જ્યારે રશ્મિકાએ તેના પાસપોર્ટની તસવીર શેર કરી હતી ત્યારે તેના ફેન્સ આ જાણીને દંગ રહી ગયા હતા. બીજી તરફ, વિજય દેવરકોંડાનું અસલી નામ ‘દેવરકોંડા વિજય સાઈ’ (Deverakonda Vijay Sai) છે. જોકે ફિલ્મ જગતમાં તે માત્ર ‘વિજય દેવરકોંડા’ તરીકે જ ફેમસ છે.
આ સમાચાર પણ વાંચો : Dhurandhar 2: ‘શું ‘ધુરંધર 2’ બોક્સ ઓફિસ પર તોડશે તમામ રેકોર્ડ? આર. માધવને વિદેશી ચાહકોના આ પ્લાન વિશે જણાવી બધાને ચોંકાવ્યા
શું રશ્મિકા તેનું નામ બદલશે?
લગ્ન બાદ હવે ફેન્સમાં સૌથી મોટી ઉત્સુકતા એ વાતની છે કે શું રશ્મિકા તેના નામની પાછળ ‘દેવરકોંડા’ જોડશે? સાઉથ ઇન્ડિયન ફિલ્મોની આ નેશનલ ક્રશ હવે ‘રશ્મિકા દેવરકોંડા’ તરીકે ઓળખાશે કે તે પોતાનું જૂનું નામ જ રાખશે તે અંગે હજુ સુધી કોઈ સત્તાવાર જાહેરાત કરવામાં આવી નથી.
વિજય અને રશ્મિકાના લગ્ન બે અલગ-અલગ પરંપરાઓ મુજબ થયા હતા. સવારે તેલુગુ રીતિ-રિવાજ મુજબ ફેરા લેવામાં આવ્યા હતા, જેમાં વિજયનું કુટુંબ જોડાયું હતું. ત્યારબાદ સાંજે ૫ વાગ્યે રશ્મિકાના પરિવારની પરંપરા મુજબ ‘કોડવા’ (Kodava) રીતથી લગ્ન વિધિ સંપન્ન થઈ હતી. આ બંને વિધિઓની તસવીરો ઇન્ટરનેટ પર ધૂમ મચાવી રહી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
