News Continuous Bureau | Mumbai
Rishab Shetty Reaction Rashmika Wedding: વિજય દેવરકોંડા અને રશ્મિકા મંદાનાએ ૨૬ ફેબ્રુઆરીએ લગ્ન કરી લીધા છે. આ લગ્નના ઉત્સવ વચ્ચે ‘કાંતારા’ ફેમ એક્ટર ઋષભ શેટ્ટી એક કાર્યક્રમમાં પહોંચ્યા હતા. જ્યારે મીડિયાએ તેમને રશ્મિકાના લગ્ન અને આમંત્રણ અંગે સવાલ પૂછ્યો, ત્યારે તેઓ સ્પષ્ટપણે અસ્વસ્થ જણાયા હતા. તેમણે કોઈ પણ જવાબ આપ્યા વગર માત્ર ‘થેન્ક યુ’ કહીને ત્યાંથી વિદાય લીધી હતી. ઋષભ શેટ્ટીએ જ રશ્મિકાની ડેબ્યૂ ફિલ્મ ‘કિરિક પાર્ટી’નું નિર્દેશન કર્યું હતું. આ ફિલ્મ દરમિયાન જ રશ્મિકા અને એક્ટર રક્ષિત શેટ્ટી નજીક આવ્યા હતા અને ૨૦૧૭માં તેમની સગાઈ થઈ હતી. જોકે, ૨૦૧૮માં આ સગાઈ તૂટી ગઈ હતી, ત્યારથી રક્ષિતના મિત્રો અને રશ્મિકા વચ્ચે અણબનાવ હોવાનું મનાય છે.
આ સમાચાર પણ વાંચો : Mayank Pawar Splitsvilla 7 Death: ‘સ્પ્લિટ્સવિલા 7’ ફેમ મયંક પવારનું ૩૭ વર્ષની વયે નિધન: લિવરની બીમારી કે ડિપ્રેશન? માતાએ મોતના કારણ અંગે કર્યો ચોંકાવનારો ખુલાસો
જૂનો વિવાદ અને ‘સો-કોલ્ડ’ પ્રોડક્શન હાઉસ
રશ્મિકા અને ઋષભ શેટ્ટી વચ્ચેનો વિવાદ ત્યારે વકર્યો હતો જ્યારે રશ્મિકાએ એક ઈન્ટરવ્યુમાં પોતાના ડેબ્યૂ પ્રોડક્શન હાઉસનું નામ લેવાને બદલે તેને ‘સો-કોલ્ડ પ્રોડક્શન હાઉસ’ કહીને સંબોધ્યું હતું. ઋષભ શેટ્ટીએ ત્યારે વળતો પ્રહાર કરતા કહ્યું હતું કે, “મને ‘આ’ પ્રકારની એક્ટ્રેસ પસંદ નથી.” રક્ષિતના અન્ય મિત્ર પ્રમોદ શેટ્ટીએ પણ તાજેતરમાં કહ્યું હતું કે તેમને લગ્નનું આમંત્રણ નથી મળ્યું અને તેઓ જાણતા હતા કે રશ્મિકા તેમને બોલાવશે નહીં.
રશ્મિકા મંદાના જ્યારે માત્ર ૨૧ વર્ષની હતી ત્યારે તેણે રક્ષિત શેટ્ટી સાથે સગાઈ કરી હતી. રક્ષિત તેના કરતા ૧૩ વર્ષ મોટા હતા. અંગત કારણોસર આ સગાઈ એક વર્ષમાં જ તૂટી ગઈ હતી. આ પછી રશ્મિકા તેલુગુ અને હિન્દી સિનેમામાં વ્યસ્ત થઈ ગઈ, પરંતુ કન્નડ ફિલ્મ ઈન્ડસ્ટ્રીના કેટલાક લોકો સાથે તેના સંબંધો ક્યારેય સુધર્યા નથી.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
