News Continuous Bureau | Mumbai
Rohit Shetty Firing Case Update પ્રખ્યાત ફિલ્મ ડાયરેક્ટર રોહિત શેટ્ટીના ઘરની બહાર થયેલા ફાયરિંગ કેસમાં મુંબઈ ક્રાઈમ બ્રાન્ચની તપાસમાં ચોંકાવનારા ખુલાસા થયા છે. આ હુમલો કોઈ આકસ્મિક ઘટના નહીં, પરંતુ લોરેન્સ બિશ્નોઈ ગેંગ દ્વારા ઘડાયેલું એક વ્યવસ્થિત ષડયંત્ર હોવાનું બહાર આવ્યું છે. તપાસમાં જાણવા મળ્યું છે કે હુમલાખોરોએ હુમલા પહેલા અનેકવાર રેકી કરી હતી અને પોલીસને થાપ આપવા માટે પબ્લિક ટ્રાન્સપોર્ટનો સહારો લીધો હતો.
પુણેથી મુંબઈ સુધી સ્કૂટરનું કનેક્શન
ક્રાઈમ બ્રાન્ચના જણાવ્યા અનુસાર, હુમલામાં વપરાયેલું સ્કૂટર પુણેથી ₹૩૦,૦૦૦ માં ખરીદવામાં આવ્યું હતું. બે વ્યક્તિઓ એ આ વાહનને પુણેથી લોનાવાલા થઈને મુંબઈ પહોંચાડ્યું હતું. હુમલાના ૧૦ દિવસ પહેલા જ આ સ્કૂટર મુંબઈ આવી ગયું હતું અને શૂટરોએ તેનો ઉપયોગ જુહુ વિસ્તારની રેકી કરવા મા
રેલવે નેટવર્ક દ્વારા શૂટરોની ‘એક્ઝિટ’
શનિવારે રાત્રે ૫ રાઉન્ડ ફાયરિંગ કર્યા બાદ શૂટરોએ ખૂબ જ હોશિયારીથી નાસી છૂટવાનો પ્લાન બનાવ્યો હતો. તેઓ સ્કૂટર પર વિલે પાર્લે રેલવે સ્ટેશન પહોંચ્યા અને ત્યાં વાહન બિનવારસી છોડીને લોકલ ટ્રેન પકડી મુંબઈની બહાર ભાગી ગયા હતા. પોલીસની ધરપકડ ટાળવા માટે તેમણે સીસીટીવીથી બચવા અને ટ્રાફિકમાં ન ફસાવા માટે રેલવે નેટવર્કનો પસંદગી કરી હતી.
આ સમાચાર પણ વાંચો : Parth Pawar: શું પાર્થ પવાર બનશે દિલ્હીમાં NCP નો નવો ચહેરો? રાજ્યસભાની ટિકિટને લઈને અજીત પવાર જૂથનો મોટો માસ્ટરસ્ટ્રોક, જાણો વિગતો
માસ્ટરમાઇન્ડ અને ટેકનિકલ સર્વેલન્સ
આ કાવતરાનો માસ્ટરમાઇન્ડ સુરક્ષિત મેસેજિંગ એપ દ્વારા સતત શૂટરો અને સહયોગીઓના સંપર્કમાં હતો. હુમલા માટે જરૂરી આર્થિક ભંડોળ અને હથિયારો પણ ગેંગ દ્વારા જ પૂરા પાડવામાં આવ્યા હતા. હાલમાં મુંબઈ ક્રાઈમ બ્રાન્ચ ટેકનિકલ સર્વેલન્સની મદદથી મુખ્ય શૂટરના લોકેશનને ટ્રેક કરી રહી છે. આ કેસમાં ટૂંક સમયમાં વધુ ધરપકડો થવાની શક્યતા છે.
