ન્યુઝ કન્ટિન્યુઝ બ્યુરો
મુંબઈ, 6 જાન્યુઆરી 2022
ગુરુવાર
ઓમિક્રોનનો ખતરો દિવસેને દિવસે વધી રહ્યો છે. હવે બદલાતા વાતાવરણને જોતા ફિલ્મ નિર્દેશક એસએસ રાજામૌલીની ફિલ્મ RRRની રિલીઝ ડેટ આગળ વધારી દેવામાં આવી છે. ફિલ્મ 'RRR'ની રિલીઝ મોકૂફ રાખવામાં આવ્યા બાદ ફિલ્મને લગભગ 100 કરોડનું નુકસાન થયું છે. ફિલ્મની રિલીઝમાં જેટલો સમય વિલંબ થશે તેટલું જ ફિલ્મને નુકસાન સહન કરવું પડશે. તમને જણાવી દઈએ કે ફિલ્મના ડિસ્ટ્રિબ્યુશન અને અન્ય રાઈટ્સ 890 કરોડ રૂપિયામાં વેચાયા હતા.
જેમ તમે જાણો છો, આ ફિલ્મ મોટા પડદા પર 7 જાન્યુઆરીએ રિલીઝ થવાની હતી. પરંતુ કોરોનાના વધતા જતા કેસોને જોતા ફિલ્મની રિલીઝ ડેટ બદલવામાં આવી હતી. આગામી ફિલ્મ RRR મુલતવી રાખવાને કારણે નિર્માતાઓને ભારે નુકસાન થયું છે, કારણ કે તેના પ્રમોશનમાં લગભગ 15 થી 16 કરોડનો ખર્ચ કરવામાં આવ્યો હતો. આ સાથે જ ઘણા દર્શકોએ ફિલ્મનું પ્રી-બુકીંગ કરી દીધું હતું. જેના પર નિર્માતાઓએ દર્શકોના પૈસા પરત કરવા પડ્યા હતા.આ તમામ બાબતોને જોડીને નિર્માતાઓને 100 કરોડનું મોટું નુકસાન થઈ રહ્યું છે. હવે જ્યારે પણ ફિલ્મની નવી રિલીઝ ડેટ ફાઈનલ થશે ત્યારે ફરીથી પ્રમોશનનો ખર્ચ ફિલ્મ મેકર્સે ઉઠાવવો પડશે. કદાચ, એકવાર રીલિઝ મુલતવી રાખવામાં આવે, તે ફરીથી બઝ બનાવવા માટે વધુ ખર્ચ પણ કરવો પડી શકે છે.
શું પ્રભાસ અને પૂજા હેગડે ની ‘રાધે શ્યામ’ ઓટીટી પર થશે રિલીઝ? મળી આટલા કરોડની ઓફર; જાણો વિગત
આ બધાની વચ્ચે તમને જણાવી દઈએ કે પ્રભાસની ફિલ્મ રાધે શ્યામને પણ OTT પ્લેટફોર્મ પર રિલીઝ કરવા માટે 400 કરોડ રૂપિયાની ઑફર મળી હતી. પરંતુ નિર્માતાઓએ આ ઓફર ઠુકરાવી દીધી હતી. હવે જોવાનું એ રહે છે કે ફિલ્મ નિર્માતા આ અંગે શું નિર્ણય લે છે અને ફિલ્મ ક્યારે રિલીઝ થાય છે.
