ન્યુઝ કંટીન્યુઝ બ્યુરો.
મુંબઈ, 20 એપ્રિલ 2021.
બોલિવુડ અને ક્રિકેટ આમ તો એ બંને અલગ-અલગ ક્ષેત્ર છે. એક મનોરંજન અને બીજું ખેલ જગત. પરંતુ બોલિવૂડ એક્ટ્રેસ અને ક્રિકેટરના સુમેળભર્યા સંબંધો ની ચર્ચા અવારનવાર થતી રહે છે. પછી એ શર્મિલા ટાગોર – મન્સુર અલી ખાન પટૌડી હોય, નીના ગુપ્તા – વિવિયન રીર્ચડસ્ હોય, સંગીતા બિજલાની- અઝહરુદ્દીન હોય કે હાલમાં જ માતા-પિતા બનેલા અનુષ્કા શર્મા- વિરાટ કોહલી હોય પરંતુ સામાન્ય જનતામાં આ વિષય હંમેશા ચર્ચા માટે આકર્ષણનો વિષય બન્યો છે.
હાલમાં સુનીલ શેટ્ટીની પુત્રી આથિયા શેટ્ટી અને ક્રિકેટર કે એલ રાહુલ ના અફેર ની ચર્ચા એ જોર પકડ્યું છે. લાંબા સમયથી આ લોકોના ડેટિંગના સમાચારો આવતા હતા. આ વચ્ચે રાહુલના બર્થ ડે પર આથિયા એ રાહુલ સાથે તસવીરો શેર કરી ને તેને બર્થ ડે વિશ કર્યું છે. ૧૮ એપ્રિલના રોજ કે એલ રાહુલ નો બર્થડે હતો. આ ખાસ અવસરે રાહુલની કથિત ગર્લફ્રેન્ડ આથિયા શેટ્ટી એ તસવીર શેર કરી ને બર્થ ડે વિશ કર્યું છે અને કહ્યું છે કે પોતાના જીવનમાં રાહુલ હોવા બદલ તે આભારી છે.
ઉલ્લેખનીય છે કે, વર્ષ 2015 થી પોતાની ફિલ્મી કારકિર્દી શરૂ કરનાર આથિયા શેટ્ટી એ અત્યાર સુધી ચાર જ ફિલ્મોમાં કામ કર્યું છે, આ ફિલ્મોની દર્શકોએ ખાસ નોંધ લીધી નથી. જ્યારે ક્રિકેટમાં કે એલ રાહુલનું પરફોર્મન્સ પણ ઠીક-ઠાક જ રહ્યું છે.
