News Continuous Bureau | Mumbai
Winter Olympics 2026 વિન્ટર ઓલિમ્પિક્સ ૨૦૨૬ માં ભલે ભારતીય એથ્લેટ્સની હાજરી ઓછી હોય, પરંતુ ફિગર સ્કેટિંગના રિંગમાં એક અનોખા ભારતીય કનેક્શને સમગ્ર વિશ્વનું ધ્યાન ખેંચ્યું છે. જ્યોર્જિયાનું પ્રતિનિધિત્વ કરી રહેલી રશિયન મૂળની સ્કેટર અનાસ્તાસિયા ગુબાનોવાએ હિન્દુ સાંસ્કૃતિક થીમ અને ભારતીય સંગીત પર અદભૂત પર્ફોર્મન્સ આપીને કરોડો ભારતીયોના દિલ જીતી લીધા છે.
માથે બિંદી અને ‘ના દે દિલ પરદેશી નૂ’ ની ધૂન
ઈટાલીમાં આયોજિત આ સ્પર્ધામાં જ્યારે અનાસ્તાસિયા બરફ પર ઉતરી ત્યારે વાતાવરણ સંપૂર્ણપણે બદલાઈ ગયું હતું. તેણે પોતાના પર્ફોર્મન્સ માટે ધુરંધર ફિલ્મ નું લોકપ્રિય ગીત ‘ના દે દિલ પરદેશી નૂ’ અને ભારતીય વાદ્યોના સંગીતની પસંદગી કરી હતી. ખાસ વાત એ હતી કે તેણે માથે બિંદી લગાવી હતી, જે તેની સુંદરતા અને ભારતીય સંસ્કૃતિ પ્રત્યેના સન્માનને દર્શાવતી હતી. તેની આ કલાત્મક પ્રસ્તુતિ જોઈને પ્રેક્ષકો મંત્રમુગ્ધ થઈ ગયા હતા.
સીમાઓ તોડતી કલા
નિષ્ણાતોનું માનવું છે કે અનાસ્તાસિયાની આ પસંદગી માત્ર ભારતીય સંસ્કૃતિ પ્રત્યેનો આદર જ નથી, પરંતુ રમતગમત કેવી રીતે સરહદો તોડીને દેશોને જોડી શકે છે તેનું શ્રેષ્ઠ ઉદાહરણ છે. સત્તાવાર રીતે ભારત આ રમતમાં પ્રતિનિધિત્વ કરી રહ્યું ન હોવા છતાં, આ સ્કેટર દ્વારા વૈશ્વિક મંચ પર ભારતીય વારસાની હાજરી નોંધાઈ છે. આ પળ સોશિયલ મીડિયા પર સાંસ્કૃતિક પ્રતિનિધિત્વનું પ્રતીક બની ગઈ છે.
While India had no figure skater at the 2026 Winter Olympics in Italy, Russian-born Anastasia Gubanova, representing Georgia, delivered a stunning routine set to Indian music inspired by Indian cultural themes.
Her performance became an unexpected highlight, warmly received as a… pic.twitter.com/mYnpKISEle
— Garima𝕏 (@Garima) February 11, 2026
આ સમાચાર પણ વાંચો : UN Report on Red Fort Attack: લાલ કિલ્લા હુમલામાં જૈશ-એ-મોહમ્મદનો હાથ, સંયુક્ત રાષ્ટ્રના તાજા રિપોર્ટમાં પાકિસ્તાની આતંકવાદનો પર્દાફાશ
સોફ્ટ પાવર અને ઈન્ફ્રાસ્ટ્રક્ચર પર ચર્ચા
આ પર્ફોર્મન્સે ઈન્ટરનેટ પર બે પ્રકારની ચર્ચાઓ જગાડી છે. પ્રથમ, ભારતીય સંગીત અને સંસ્કૃતિની વૈશ્વિક પહોંચ (સોફ્ટ પાવર) ની પ્રશંસા થઈ રહી છે. બીજું, ભારતમાં વિન્ટર સ્પોર્ટ્સ માટે જરૂરી ઈન્ફ્રાસ્ટ્રક્ચર અને એથ્લેટ્સની અછત પર પણ સવાલો ઉઠી રહ્યા છે. ફેન્સનું કહેવું છે કે જો વિદેશી ખેલાડીઓ આપણી સંસ્કૃતિને પ્રોત્સાહન આપી શકતા હોય, તો ભારતે પણ આ રમતોમાં રોકાણ કરીને પોતાના ટેલેન્ટને આગળ લાવવું જોઈએ.
