News Continuous Bureau | Mumbai
Sagar Parekh Replaces Rohit Chandel સ્ટાર પ્લસ પર હાલમાં જ શરૂ થયેલા અને દર્શકોમાં લોકપ્રિય બનેલા રોમેન્ટિકમ્યુઝિકલ શો ‘સૈરાબ’ (Sairaab) ને લઈને મનોરંજન ઇન્ડસ્ટ્રીમાંથી એક બહુ મોટા અને આંચકાજનક સમાચાર સામે આવ્યા છે. શોના મુખ્ય અભિનેતા રોહિત ચંદેલ (Rohit Chandel) એક ગંભીર કાનૂની વિવાદમાં ફસાતાં અને મુંબઈ પોલીસ દ્વારા તેમની ધરપકડ કરાયા બાદ મેકર્સ દ્વારા મોટો એક્શન પ્લાન ઘડવામાં આવ્યો છે. મીડિયા રિપોર્ટ્સ અને ટેલિવિઝન સોર્સિસ અનુસાર, કાયદાકીય ગૂંચવણો વચ્ચે શોના પ્રસારણમાં કોઈ અડચણ ન આવે તે માટે પ્રોડક્શન હાઉસે રોહિત ચંદેલને રાતોરાત શોમાંથી બહાર કરી દીધો છે અને તેની જગ્યાએ ‘અનુપમા’ (Anupamaa) ફેમ લોકપ્રિય અભિનેત્રી સાગર પારેખને (Sagar Parekh) નવા લીડ હીરો તરીકે ફાઇનલ કરી લીધો છે.
Sagar Parekh Replaces Rohit Chandel – કેમ થઈ રોહિત ચંદેલની ધરપકડ? પોક્સો (POCSO) એક્ટ હેઠળ નોંધાયો છે ગંભીર ગુનો
ઉલ્લેખનીય છે કે, ‘પાંડ્યા સ્ટોર’ અને ‘કાશીબાઈ બાજીરાવ બલ્લાલ’ જેવા હિટ શોથી ઘર-ઘરમાં જાણીતા બનેલા ૨૯ વર્ષના અભિનેતા રોહિત ચંદેલને ગત ૧૦ જુલાઈના રોજ મુંબઈની પંત નગર પોલીસે કસ્ટડીમાં લીધો હતો. એક ૧૬ વર્ષની સગીર સહ-અભિનેત્રીએ (Minor Co-star) રોહિત પર તેનો પીછો કરવાનો, અવારનવાર ફોન કરીને હેરાન કરવાનો, અપશબ્દો બોલવાનો અને શારીરિક હુમલો કરવાનો ગંભીર આરોપ લગાવ્યો હતો. આ ફરિયાદના આધારે પોલીસે રોહિત વિરુદ્ધ પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સીસ (POCSO) એક્ટ અને ભારતીય ન્યાય સંહિતાની (BNS) કલમો હેઠળ ગુનો નોંધીને તેને કોર્ટમાં રજૂ કર્યો હતો, જ્યાંથી તેને પોલીસ કસ્ટડીમાં મોકલાયો છે.
Sagar Parekh Replaces Rohit Chandel – ‘અનુપમા’ ના સમર ઉર્ફે સાગર પારેખ સાથે પેપરવર્ક પૂર્ણ, ટૂંક સમયમાં શરૂ કરશે શૂટિંગ
રોહિતની આ ગંભીર ધરપકડના લીધે શોની ગરિમા અને ચેનલની બ્રાન્ડ વેલ્યુ પર અસર ન પડે તે માટે મેજિક મોમેન્ટ્સ મોશન પિક્ચર્સના મેકર્સ તુરંત હરકતમાં આવ્યા હતા. કાસ્ટિંગ ટીમે તાત્કાલિક ધોરણે મુંબઈમાં ઓડિશન્સ શરૂ કર્યા હતા અને છેવટે સાગર પારેખ પર પસંદગીનો કળશ ઢોળવામાં આવ્યો હતો. ટીવી શો ‘અનુપમા’ માં લાંબા સમય સુધી અનુપમાના નાના પુત્ર ‘સમર’ નું કૂલ પાત્ર ભજવીને લાખો લોકોના દિલ જીતનારા સાગર પારેખ સાથે મેકર્સે તમામ મંત્રણાઓ પૂરી કરી લીધી છે અને સત્તાવાર કાગળની પ્રક્રિયા (Official Formalities) પૂર્ણ થતાં જ તે શોના આગામી એપિસોડ્સનું શૂટિંગ શરૂ કરશે.
Sagar Parekh Replaces Rohit Chandel – રોકસ્ટાર ‘ઈશાન ગાંગુલી’ ના પાત્રમાં સાગર પારેખ લાવશે નવો ચાર્મ
‘સૈરાબ’ શોની વાર્તા એક સિંગલ વર્કિંગ મધર ડૉ. નયનિકા રોય (મદિરાક્ષી મુંડલે) અને દેશના જાણીતા સેલિબ્રિટી રોકસ્ટાર ઈશાન ગાંગુલીની આસપાસ ફરે છે. આ મ્યુઝિકલ લવ સ્ટોરીમાં રોહિત ચંદેલ રોકસ્ટાર ઈશાનનું મુખ્ય પાત્ર ભજવી રહ્યો હતો. હવે તેની એક્ઝિટ બાદ સાગર પારેખ (Sagar Parekh in Sairaab) જ આ ઈશાનના પાત્રને આગળ ધપાવશે કે મેકર્સ વાર્તામાં કોઈ નવો ટ્વિસ્ટ લાવીને તેને નવું પાત્ર આપશે તે જોવું રસપ્રદ રહેશે. જો કે, આ અચાનક બદલાવના કારણે સોશિયલ મીડિયા પર ટીવી ચાહકોમાં (Indian Telly Talk) ભારે ચર્ચા જાગી છે અને મુશ્કેલ સમયમાં શોને બચાવવા માટે સાગર પારેખને મેદાનમાં ઉતારવાના નિર્ણયને લોકો આવકારી રહ્યા છે.
