News Continuous Bureau | Mumbai
Salman Khan death threat : બાબા સિદ્દીકીના મોત બાદ સલમાન ખાનને સતત જાનથી મારી નાખવાની ધમકીઓ મળી રહી છે. આ ક્રમમાં ફરી એકવાર આજે એટલે કે શુક્રવારે સવારે સલમાનને જાનથી મારી નાખવાની ધમકી મળી છે. આ ધમકી મુંબઈ ટ્રાફિક કંટ્રોલ પોલીસના નંબર પર આવી છે. આ પછી, વર્લી પોલીસ સ્ટેશનમાં કેસ નોંધવામાં આવ્યો અને તપાસ શરૂ કરવામાં આવી. છેલ્લા એક મહિનામાં સલમાનને મારવાનો આ ચોથો કોલ છે. જણાવી દઈએ કે, 20 કલાક પહેલા શાહરૂખ ખાનને જાનથી મારી નાખવાની ધમકી આપતો ફોન આવ્યો હતો.
Salman Khan death threat : પોલીસે સલમાન ખાનને ધમકી આપનાર આરોપીને પકડી લીધો
આ પહેલા રાજસ્થાનનો એક વ્યક્તિ બુધવારે સલમાન ખાનને જાનથી મારી નાખવાની ધમકી આપવાના આરોપમાં પકડાયો હતો અને તેને મહારાષ્ટ્ર પોલીસને સોંપવામાં આવ્યો હતો. તે રાજસ્થાનના જાલોરનો રહેવાસી છે. હાવેરીના પોલીસ અધિક્ષક અંશુ કુમારે જણાવ્યું હતું કે, મહારાષ્ટ્ર એટીએસ (એન્ટિ-ટેરરિસ્ટ સ્ક્વોડ) પાસેથી મળેલી માહિતીના આધારે, હાવેરી શહેરમાંથી એક વ્યક્તિને પકડવામાં આવ્યો હતો અને તેને તેમને સોંપવામાં આવ્યો હતો. 6 મહિના પહેલા હાવેરી આવ્યા પહેલા કર્ણાટકના વિવિધ સ્થળોએ રહેતો હતો.
આ સમાચાર પણ વાંચો : Shah Rukh Khan death threat: સલમાન બાદ કિંગ ખાનને મળી જાનથી મારી નાખવાની ધમકી, માગ્યા અધધ આટલા લાખ રૂપિયા; મુંબઈ પોલીસ થઇ દોડતી..
Salman Khan death threat : આરોપી લોરેન્સ બિશ્નોઈનો ચાહક
અહેવાલો અનુસાર આરોપી એક પ્રાદેશિક ન્યૂઝ ચેનલ જોઈ રહ્યો હતો ત્યારે તેણે અચાનક મુંબઈ પોલીસ કંટ્રોલ રૂમને ફોન કર્યો અને સલમાન ખાનને મારી નાખવાની ધમકી આપી. તે એક દૈનિક વેતન મજૂર છે અને ગેંગસ્ટર લોરેન્સ બિશ્નોઈનો ચાહક હોવાનો દાવો કરે છે. આ તેનું નિવેદન છે, પરંતુ મુંબઈ પોલીસ દ્વારા તેની સંપૂર્ણ પૂછપરછ અને તપાસ કરવામાં આવશે.
