News Continuous Bureau | Mumbai
Salman Khan Galaxy Apartment Update બોલિવૂડના દબંગ સલમાન ખાન વિશે છેલ્લા કેટલાક દિવસોથી અહેવાલો આવી રહ્યા છે કે તેઓ વર્ષો જૂનું પોતાનું ઘર ગેલેક્સી એપાર્ટમેન્ટ છોડી રહ્યા છે. એવા દાવા કરવામાં આવ્યા હતા કે સલમાન ખાન બાંદ્રામાં બની રહેલા નવા સીફેસિંગ બંગલામાં શિફ્ટ થશે. જો કે, હવે આ અહેવાલો પાછળનું અસલી સત્ય અને સત્તાવાર વિગતો સામે આવી છે.
Salman Khan Galaxy Apartment Update – ખાન પરિવારની ૧૦ વર્ષ જૂની પ્રોપર્ટીના રી-ડેવલપમેન્ટને મળી લીલી ઝંડી
સૂત્રોના જણાવ્યા અનુસાર, બાંદ્રા વેસ્ટમાં આવેલી આ સી-ફેસિંગ પ્રોપર્ટી ખાન પરિવાર પાસે છેલ્લા ૧૦ વર્ષથી વધુ સમયથી છે. હાલમાં મહારાષ્ટ્ર કોસ્ટલ ઝોન મેનેજમેન્ટ ઓથોરિટી દ્વારા આ પ્રોપર્ટીના રી-ડેવલપમેન્ટના પ્રસ્તાવની ભલામણ કરવામાં આવી હોવાથી તે ફરી ચર્ચામાં આવી છે. આ મંજૂરી બાદ હવે જમીન પર કન્સ્ટ્રક્શનનું કામ આગળ વધી શકશે. અહીં આવેલી જૂની બિલ્ડિંગને જરૂરી મંજૂરીઓ લીધા બાદ ઓલરેડી તોડી પાડવામાં આવી છે.
Salman Khan Galaxy Apartment Update – કોસ્ટલ રેગ્યુલેશન ઝોનના નિયમો હેઠળ બનશે ૬ માળનું નવું બિલ્ડિંગ
સત્તાવાર દસ્તાવેજો અનુસાર, ખાન પરિવાર આ જમીન પર ૬ માળનું આલીશાન સી-ફેસિંગ રેસિડેન્સ બનાવવાની પ્લાનિંગ કરી રહ્યો છે. આ પ્રોપર્ટી સીઆરઝેડ-૨ ઝોનમાં આવે છે, જેના કારણે પ્રવર્તમાન નિયમો હેઠળ જ રી-ડેવલપમેન્ટની પરવાનગી આપવામાં આવી છે. ઓથોરિટી દ્વારા જમીનની માલિકીના તમામ દસ્તાવેજોની ચકાસણી કર્યા બાદ જ આ પ્રોજેક્ટના પ્રસ્તાવની ભલામણ આગળની પ્લાનિંગ ઓથોરિટીને કરવામાં આવી છે.
Salman Khan Galaxy Apartment Update – ગેલેક્સી એપાર્ટમેન્ટ છોડવાના અહેવાલોને સૂત્રોએ ગણાવ્યા અફવા
ઘણા મીડિયા અહેવાલોમાં દાવો કરવામાં આવી રહ્યો હતો કે નવો બંગલો તૈયાર થયા બાદ સલમાન ખાન આખા પરિવાર સાથે ત્યાં શિફ્ટ થઈ જશે. પરંતુ સૂત્રોએ આ અહેવાલોને નકારી કાઢ્યા છે અને સ્પષ્ટ કર્યું છે કે સલમાન ખાન દ્વારા ગેલેક્સી એપાર્ટમેન્ટ છોડવાની કોઈ સત્તાવાર પુષ્ટિ થઈ નથી. સલમાન ખાન વર્ષોથી ગેલેક્સીમાં રહી રહ્યો છે અને ઈદ કે બર્થડે પર ફેન્સ ભાઈજાનની એક ઝલક મેળવવા ત્યાં જ એકઠા થાય છે, જેથી આ ઘર સાથે ફેન્સની લાગણીઓ પણ જોડાયેલી છે.
👉 આ સમાચાર વાચો:
Tillotama Shome Akshaye Khanna Ikka બોલિવૂડનો આ સુપરસ્ટાર સામે ઊભો રહ્યો છતાં તિલોત્તમા શોમ ના ઓળખી શકી! સની દેઓલ સાથેના કનેક્શનનો કર્યો ખુલાસો
