News Continuous Bureau | Mumbai
Samantha Ruth Prabhu Pregnancy News સાઉથ અને બોલિવૂડ ફિલ્મ ઇન્ડસ્ટ્રીની લોકપ્રિય અભિનેત્રી સામંથા રૂથ પ્રભુના ઘરે ટૂંક સમયમાં જ કિલકિલાટ ગૂંજવા જઈ રહ્યો છે. પાછલા કેટલાક દિવસોથી સોશિયલ મીડિયા પર વાયરલ થઈ રહેલા વીડિયોને જોઈને ફેન્સ અટકળો લગાવી રહ્યા હતા કે સામંથા ગર્ભવતી છે. હવે આ તમામ અટકળો પર વિરામ મુકતા અભિનેત્રીએ પોતે જ સત્તાવાર રીતે આ આનંદના સમાચાર મીડિયા અને પોતાના ચાહકો સાથે શેર કર્યા છે. સામંથાએ જણાવ્યું છે કે તે પોતાના આવનારા બાળક માટે સિનેમા જગતમાંથી થોડા સમય માટે ‘મેટર્નિટી બ્રેક’ (પ્રસૂતિ રજા) લેવા જઈ રહી છે.
Samantha Ruth Prabhu Pregnancy News – ‘મા ઇંટી બંગારમ’ ની થેંક્સ મીટ દરમિયાન સામંથાના ચહેરા પર દેખાયો પ્રેગ્નેન્સી ગ્લો
સામંથાની નવી રિલીઝ થયેલી ફિલ્મ ‘મા ઇંટી બંગારમ’ ની એક ખાસ ‘થેંક્સ મીટ’ યોજાઈ હતી. આ ઇવેન્ટના કેટલાક વીડિયો સોશિયલ મીડિયા પર વાયરલ થયા છે, જેમાં સામંથા હસતાં હસતાં સ્ટેજ પરથી કહી રહી છે કે, “હું મેટર્નિટી માટે એક નાનકડો બ્રેક લઈ રહી છું.” સામંથાના આ નિવેદન બાદ ત્યાં હાજર તમામ પત્રકારો અને પેપરાઝીએ તેને તાળીઓના ગડગડાટ સાથે વધાવી લીધી હતી અને શુભકામનાઓ પાઠવી હતી. વાયરલ વીડિયોમાં સામંથાના ચહેરા પર માતૃત્વનો ગ્લો સ્પષ્ટ જોઈ શકાતો હતો. ફિલ્મની ડિરેક્ટર નંદિની રેડ્ડીએ પણ સામંથાની પ્રેગ્નેન્સીની પુષ્ટિ કરી છે.
Samantha Ruth Prabhu Pregnancy News – ગત વર્ષે ડિસેમ્બરમાં ફિલ્મ નિર્માતા રાજ નિદિમોરુ સાથે કર્યા હતા લગ્ન
સામંથાએ અભિનેતા નાગા ચૈતન્ય સાથે છૂટાછેડા લીધા બાદ ગત વર્ષે ૧ ડિસેમ્બર ૨૦૨૫ ના રોજ પ્રખ્યાત વેબ સિરીઝ ‘ધ ફેમિલી મેન’ ના ડિરેક્ટર-નિર્માતા રાજ નિદિમોરુ (Raj Nidimoru) સાથે લગ્ન કર્યા હતા. સામંથાએ રાજ નિદિમોરુના નિર્દેશનમાં ‘ધ ફેમિલી મેન સીઝન ૨’ (૨૦૨૧) અને તાજેતરમાં ‘સિટાડેલ: હની બની’ (૨૦૨૪) માં મુખ્ય અભિનેત્રી તરીકે કામ કર્યું છે. લાંબા સમય સુધી એકબીજાને ડેટ કર્યા બાદ આ કપલે કોઈમ્બતુરના ઈશા યોગ સેન્ટર ખાતે અત્યંત સાદગીભર્યા માહોલમાં લગ્ન કર્યા હતા. હવે લગ્નના થોડા જ મહિનાઓમાં રાજ અને સામંથા માતા-પિતા બનવા જઈ રહ્યા છે, જેને લઈને તેમનો પરિવાર ખૂબ જ ખુશ છે.
Samantha Ruth Prabhu Pregnancy News – બોક્સ ઓફિસ પર સામંથાની એક્શન ફિલ્મ ‘મા ઇંટી બંગારમ’ નું શાનદાર કલેક્શન
અભિનેત્રી સામંથા માટે આ સમય બેવડી ખુશીનો છે, કારણ કે એક તરફ તે માતા બનવાની છે અને બીજી તરફ તેની મુખ્ય ભૂમિકા વાળી ફિલ્મ ‘મા ઇંટી બંગારમ’ બોક્સ ઓફિસ પર શાનદાર કમાણી કરી રહી છે. આ ફિલ્મમાં સામંથાએ જબરદસ્ત એક્શન સીન્સ કર્યા છે, જેને દર્શકો ખૂબ પસંદ કરી રહ્યા છે. ફિલ્મે તેની રિલીઝના છઠ્ઠા દિવસે ૨.૫૦ કરોડ રૂપિયાનું કલેક્શન કર્યું છે, જેની સાથે જ ફિલ્મની કુલ કમાણી અત્યાર સુધીમાં આશરે ૩૩.૨૦ કરોડ રૂપિયા પર પહોંચી ગઈ છે. આ ફિલ્મની સફળતા વચ્ચે સાઉથના સુપરસ્ટાર ચિરંજીવી પણ સામંથાને મળ્યા હતા અને તેને ખાસ ભેટ આપીને આશીર્વાદ આપ્યા હતા.
👉 આ સમાચાર વાચો:
Mumbai Ivory Smuggling Goregaon Arrest મુંબઈમાં વન્યજીવ તસ્કરીનો પર્દાફાશ ગોરેગાંવમાં ₹૧૫ લાખની હાથીદાંતની દુર્લભ મૂર્તિ વેચવા આવેલો તસ્કર ઝડપાયો
