News Continuous Bureau | Mumbai
Sanchita Ugale Last Post ટીવી અભિનેત્રી સંચિતા ઉગલેના આકસ્મિક આત્મહત્યાના સમાચારથી આખી મનોરંજન દુનિયા આઘાતમાં છે. આ દરમિયાન સોશિયલ મીડિયા પર અભિનેત્રીની છેલ્લી ઇન્સ્ટાગ્રામ પોસ્ટ ખૂબ જ ઝડપથી વાયરલ થઈ રહી છે, જે તેણે મોતને વહાલું કરવાના ગણતરીના કલાકો પહેલા જ અપલોડ કરી હતી.
Sanchita Ugale Last Post – ઇન્સ્ટાગ્રામ પર શેર કર્યો હતો રિલ વિડીયો, લુક જોઈને કોઈને અંદાજ ન આવ્યો
સંચિતા ઉગલેએ આત્મહત્યા જેવું અંતિમ પગલું ભરતાં પહેલાં પોતાના ઓફિશિયલ ઇન્સ્ટાગ્રામ એકાઉન્ટ પર એક શોર્ટ વિડીયો શેર કર્યો હતો. આ વિડીયોમાં તે ખૂબ જ ખુશખુશાલ નજરે પડી રહી છે અને તેને જોઈને સહેજ પણ અંદાજ લગાવી શકાતો નથી કે તે પોતાની જિંદગીનો અંત લાવવા જઈ રહી છે. વિડીયોમાં તે ઋષિ કપૂર અને જયા પ્રદાના પ્રખ્યાત ગીત ‘ડફલી વાલે ડફલી બજા’ પર સુંદર એક્સપ્રેશન સાથે રીલ બનાવી રહી છે. આ રીલમાં તેણે પિંક કલરની કુર્તી પહેરી છે, કાનમાં નાની ઝુમખીઓ, હાથમાં બંગડીઓ અને કપાળ પર બિંદી લગાવેલી છે જેમાં તે ખૂબ જ ક્યૂટ અને આકર્ષક લાગી રહી છે. આ વિડીયોના કેપ્શનમાં તેણે લખ્યું હતું, ‘મેં નાચું તો નચા…’
Sanchita Ugale Last Post – ટીવી થી લઈને સુપરહિટ ફિલ્મો સુધીની સફર અચાનક થંભી ગઈ
૩૦ વર્ષની નાની ઉંમરે દુનિયા છોડી જનારી સંચિતા ઉગલે નાના પડદાની સાથે સાથે બોલિવૂડ ફિલ્મોમાં પણ પોતાની કિસ્મત અજમાવી રહી હતી અને ઝડપથી આગળ વધી રહી હતી. તે એકતા કપૂરના સુપરહિટ શો ‘કુમકુમ ભાગ્ય’ ઉપરાંત ‘દિલવાલે દુલ્હનિયા લે જાયેંગે’ અને ‘સાજન ઘર’ જેવા લોકપ્રિય શો માં મહત્વની ભૂમિકા ભજવી ચૂકી હતી. આ ઉપરાંત તેણે બોલિવૂડ અભિનેતા વિક્કી કૌશલની સુપરહિટ ઐતિહાસિક ફિલ્મ ‘છાવા’ માં ‘તારાબાઈ’ નું મજબૂત પાત્ર ભજવીને મોટો ક્રેઝ મેળવ્યો હતો. આટલી સફળતા વચ્ચે અચાનક તેનો કરિયર ગ્રાફ કાયમ માટે અટકી ગયો છે.
Sanchita Ugale Last Post – પોલીસે સોશિયલ મીડિયા એકાઉન્ટ્સ ખંગાળ્યા, મિત્રોના નિવેદનો નોંધવાનું શરૂ
નાલાસોપારા સ્થિત પોતાના ઘરમાં સાડી વડે પંખે લટકીને આત્મહત્યા કરનારી સંચિતાના આ પગલાં પાછળનું અસલી કારણ હજી સુધી સામે આવ્યું નથી. આ રહસ્ય પરથી પડદો ઉઠાવવા માટે પોલીસે હવે અભિનેત્રીના તમામ સોશિયલ મીડિયા એકાઉન્ટ્સ અને મોબાઇલ ડેટાની ઊંડી તપાસ શરૂ કરી છે, જેથી તેની પ્રોફેશનલ અને પર્સનલ લાઈફ વિશે કોઈ મહત્વની કડી મળી શકે. આ ઉપરાંત પોલીસે તેના પરિવારના સભ્યો, નજીકના મિત્રો અને સેટ પરના સહ-કલાકારોના સત્તાવાર નિવેદનો નોંધવાની પ્રક્રિયા પણ તેજ કરી દીધી છે.
👉 આ સમાચાર વાચો:
Obsession OTT Release ઘરબેઠા જોવા મળશે કમાણીના રેકોર્ડ તોડનારી બ્લોકબસ્ટર! જાણો ક્યારે અને કયા OTT પ્લેટફોર્મ પર રિલીઝ થશે હોલીવુડ મૂવી ‘Obsession’
