News Continuous Bureau | Mumbai
સંજય મિશ્રા અને નીના ગુપ્તા સાથે ‘વધ’ જેવી બ્લોકબસ્ટર ફિલ્મ બનાવનાર ડિરેક્ટર જસપાલ સિંહ સંધુ હવે પોતાની નવી ફિલ્મ સાથે તૈયાર છે. આ એક હોરર ફિલ્મ હશે જે 1950ના દાયકાની વાર્તા પર આધારિત હશે. જસપાલ સિંહ સંધુ એ ‘વધ’ ફિલ્મ થી દિગ્દર્શક તરીકેની શરૂઆત કરી હતી. આ ફિલ્મની ખૂબ પ્રશંસા થઈ હતી અને હવે જસપાલ તેની સિક્વલનું આયોજન કરી રહ્યો છે. વાસ્તવમાં ‘વધ’ નો અંત ખુલ્લો રાખવામાં આવ્યો હતો અને આગળની વાર્તા ત્યાંથી શરૂ થશે.આ દરમિયાન ‘વધ’ પણ ફરી એકવાર ચર્ચામાં છે. સંજય મિશ્રા અને નીના ગુપ્તા સ્ટારર ફિલ્મ OTT પર 3 ફેબ્રુઆરીએ રિલીઝ થઈ છે અને તેને જબરદસ્ત પ્રતિસાદ મળી રહ્યો છે. એક કલાક અને 49 મિનિટ ની આ ફિલ્મ હિન્દીમાં રિલીઝ થઈ છે ‘વધ’ 9 ડિસેમ્બર 2022ના રોજ સિનેમાઘરોમાં રિલીઝ થઈ હતી. આ ફિલ્મે બોક્સ ઓફિસ પર 60 લાખ રૂપિયાની કમાણી કરી હતી.
‘વધ’ જોઈને લોકો એ કર્યા ફિલ્મ ના વખાણ
ફિલ્મ જોયા બાદ યુઝર્સ તેના ખૂબ વખાણ કરી રહ્યા છે અને ટ્વિટર પર પોતાની પ્રતિક્રિયા શેર કરી રહ્યા છે. લોકો કહે છે કે ‘વધ’ એક અદ્ભુત ફિલ્મ છે, પરંતુ તેને જેટલા રાઇટ્સ મળવા જોઇએ તેટલા મળ્યા નથી. એક યુસરે લખ્યું છે , ‘હમણાં જ જોઈ એક શબ્દ માં કહીએ તો અદભુત સંજય સર ના અભિનય નો જવાબ નથી’ આ રીતે લોકો નીના ગુપ્તા અને સંજય મિશ્રા ના વખાણ કરી રહ્યા છે.
વધ ની વાર્તા
ફિલ્મ ‘વધ’ની એક વૃદ્ધ યુગલની વાર્તા છે. ગ્વાલિયરમાં એક નિવૃત્ત શિક્ષક તેની પત્ની સાથે મધ્યમ વર્ગનું જીવન જીવે છે. જ્યારે તેમનો યુવાન પુત્ર વિદેશમાં અભ્યાસ કરવાનું નક્કી કરે છે ત્યારે તેમનું જીવન ઉથલપાથલ થઈ જાય છે. ત્યારે જ વાર્તામાં એક ખૂન થાય છે અને બધી ઘટનાઓમાં પેચ ઉભો થાય છે. ફિલ્મમાં સંજય મિશ્રા અને નીના ગુપ્તાની સાથે સૌરભ સચદેવ, માનવ વિજ, ઉમેશ કૌશિક, દિવાકર કુમાર, રંજલ પટેરિયા અને અભિતોષ સિંહે પણ મહત્વની ભૂમિકાઓ ભજવી છે. ફિલ્મમાં સંજય મિશ્રાના અભિનયની ખાસ પ્રશંસા કરવામાં આવી હતી.
