News Continuous Bureau | Mumbai
Shahrukh khan: આ દિવસોમાં શાહરૂખ ખાન તેની તાજેતરમાં રિલીઝ થયેલી ફિલ્મ ‘જવાન’ની સફળતા નો આનંદ માણી રહ્યો છે. આ દરમિયાન ગૌરી ખાને શાહરુખ ખાન ના ફેન્સ ને એક સરપ્રાઈઝ આપ્યું છે. શાહરૂખ ખાનની પત્ની ગૌરી ખાને માત્ર શાહરૂખ ખાન જ નહીં પરંતુ સમગ્ર પરિવાર નો ફોટો પોસ્ટ કરીને ચાહકોને ખુશ કરી દીધા છે. સુપરસ્ટારની નવી ફેમિલી ફોટો સોશિયલ મીડિયા પર ઝડપથી વાયરલ થઈ રહી છે.
ગૌરી ખાને પોસ્ટ કર્યો ફોટો
બોલિવૂડના કિંગ ખાન એટલે કે શાહરુખ ખાન ની પત્ની ગૌરી ખાને એક હેપ્પી ફેમેલી નો ફોટો શેર કર્યો છે, જેમાં તમે શાહરૂખ ખાન, આર્યન ખાન, સુહાના ખાન અને અબરામ ખાન ને શાનદાર અંદાજમાં પોઝ આપતા જોઈ શકો છો. લોકો શાહરૂખ ખાનના હેપ્પી ફેમિલી ફોટોને ખૂબ પસંદ કરી રહ્યા છે. આ નવા ફેમિલી ફોટોમાં અબરામ ખાન અને આર્યન ખાન કિંગ ખાન સાથે પોઝ આપતા જોવા મળી રહ્યા છે. સુહાના ખાન તેના પિતા શાહરૂખ ખાનને કિસ કરતી જોવા મળી રહી છે. આ ફોટો શેર કરતા ગૌરીએ લખ્યું, ‘ડિઝાઈન એક પઝલ જેવી છે – સંપૂર્ણ ફોટો બનાવવા માટે ફોટોના તમામ ટુકડાઓ એકસાથે આવવાના હોય છે. #કુટુંબ #સુખ #યાદો #FamilyFirst’.
શાહરુખ ખાન નો પરિવાર
શાહરુખ ખાને ગૌરી સાથે લગ્ન કર્યા છે જે હિન્દુ-પંજાબી પરિવારમાંથી આવે છે. તેમને 3 બાળકો છે – આર્યન, સુહાના અને અબરામ. શાહરૂખ ખાનના પરિવાર માટે આ વર્ષ વધુ ખાસ બનવાનું છે કારણ કે સુહાના ખાન અને આર્યન ખાન ટૂંક સમયમાં ડેબ્યૂ કરવા જઈ રહ્યા છે. તમને જણાવી દઈએ કે, સુહાના ખાન ફિલ્મ ધ આર્ચીસ થી બોલિવૂડ માં ડેબ્યુ કરવા જઇ રહી છે. બીજી તરફ સુપરસ્ટારનો પુત્ર આર્યન ખાન ડાયરેક્શન ની દુનિયામાં પોતાનું નસીબ અજમાવવા જઈ રહ્યો છે. આર્યન ખાન એક વેબ સીરિઝ સાથે તેના દિગ્દર્શક તરીકેની શરૂઆત કરશે, જે ભારતીય ફિલ્મ ઉદ્યોગની પૃષ્ઠભૂમિ પર આધારિત હશે અને રેડ ચિલીઝ એન્ટરટેઈનમેન્ટ દ્વારા નિર્મિત કરવામાં આવશે.
આ સમાચાર પણ વાંચો : koffee with karan 8: બી ટાઉન ના સેલેબ્સ ના અંગત જીવન અંગે જાણવા માટે થઇ જાઓ તૈયાર, ‘કોફી વિથ કરણ 8’ સાથે કમબેક કરી રહ્યો છે કરણ જોહર, જાણો ક્યારે અને ક્યાં જોઈ શકશો આ શો
