ન્યુઝ કન્ટિન્યુઝ બ્યુરો
મુંબઈ, 6 ઓક્ટોબર, 2021
બુધવાર
બોલીવુડ સ્ટાર શાહરૂખ ખાનનો પુત્ર આર્યન ડ્રગ્સ કેસમાં 7 ઓક્ટોબર સુધી NCB રિમાન્ડ પર મોકલવામાં આવ્યો છે વાસ્તવમાં, આર્યનની મુંબઈથી ગોવા જતા ક્રુઝ શિપ પર ડ્રગ પાર્ટીમાં હાજરી આપવા બદલ અટકાયત કરવામાં આવી છે. ત્યારથી, સ્ટાર કિડ્સ ફરી એક વખત ટ્રોલર્સના નિશાના પર આવી ગયા છે. શાહરુખની પુત્રી સુહાનાના ઇન્સ્ટાગ્રામ પર પણ તેના પર કમેન્ટ કરવા માટે ટ્રોલર્સ ચૂકી રહ્યા નથી. આર્યનના જેલમાં ગયા બાદ હવે તેની બહેન સુહાના ખાને એક મોટું પગલું ભર્યું છે.
સુહાના ખાન સોશિયલ મીડિયા પર ખૂબ જ એક્ટિવ છે, તે ઘણી વખત તેના ઇન્સ્ટાગ્રામ પર તેના ફેન્સ સાથે તેની તસવીરો શેર કરવાનું ભૂલતી નથી. પરંતુ તેના ભાઈની ધરપકડ બાદ, લોકો સોશિયલ મીડિયા પર તેના પર કટાક્ષ કરી રહ્યા છે. જેના કારણે સુહાનાએ તેના ઇન્સ્ટાગ્રામમાં કમેન્ટ સેક્શન બંધ કરી દીધો છે. જેથી તેમના પર કોઈ નકારાત્મક પ્રતિક્રિયા ન આપી શકે. અગાઉ તેનો કમેન્ટ સેક્શન ખુલ્લો હતો સુહાના આ સમય દરમિયાન વિદેશમાં રહીને પોતાનો અભ્યાસ પૂર્ણ કરી રહી છે.
શાહરૂખ ખાનના પુત્ર આર્યન ખાનને ડ્રગ્સ કેસમાં રાહત મળી નથી. કોર્ટે અભિનેતાના પુત્રને 7 ઓક્ટોબર સુધી એનસીબી કસ્ટડીમાં રાખવાનું કહ્યું છે. તે 7 ઓક્ટોબરે ફરી હાજર થશે. આર્યન જેલમાં ગયો ત્યારથી શાહરૂખ ખાનના પરિવાર તરફથી કોઈ પ્રતિક્રિયા આવી નથી.
