News Continuous Bureau | Mumbai
Shakti Shalini Update: મેડોક હોરર-કોમેડી યુનિવર્સની આગામી મોસ્ટ અવેટેડ ફિલ્મ ‘શક્તિ શાલિની’ અત્યારે ચર્ચામાં છે. આ ફિલ્મમાં મુખ્ય ભૂમિકામાં અનીત પડ્ડા જોવા મળશે, પરંતુ હવે સમાચાર આવ્યા છે કે તેની સામે મેલ લીડ તરીકે ટેલેન્ટેડ અભિનેતા વિશાલ જેઠવાની પસંદગી કરવામાં આવી છે. રિપોર્ટ્સ મુજબ, વિશાલ જેઠવાએ આ ફિલ્મ સાઈન કરી લીધી છે અને તે અનીત પડ્ડાના પ્રેમીના પાત્રમાં જોવા મળશે. આ ફિલ્મ માત્ર હોરર-કોમેડી જ નહીં પરંતુ એક પાવરફુલ ફિમેલ-લેડ એક્શન ડ્રામા પણ હશે. ફિલ્મનું શૂટિંગ માર્ચ મહિનાથી શરૂ થવાની શક્યતા છે.
આ સમાચાર પણ વાંચો : Vadh 2 Review: ‘વધ’ કરતા પણ વધુ ખતરનાક નીકળી ‘વધ 2’, સંજય મિશ્રા અને નીના ગુપ્તાની એક્ટિંગ તમને ચોંકાવી દેશે
કોણ છે વિશાલ જેઠવા?
વિશાલ જેઠવા બોલિવૂડનો એક ઉભરતો અને શક્તિશાળી અભિનેતા છે.તે રાની મુખર્જી સાથેની ફિલ્મ ‘મર્દાની 2’ માં વિલનના રોલથી તેણે આખી ઈન્ડસ્ટ્રીને ચોંકાવી દીધી હતી. વિશાલની ફિલ્મ ‘હોમબાઉન્ડ’ ઓસ્કાર 2026 માં ‘બેસ્ટ ઇન્ટરનેશનલ ફીચર ફિલ્મ’ કેટેગરીમાં શોર્ટલિસ્ટ થઈ હતી. આ ફિલ્મમાં તેના અભિનયના ખૂબ વખાણ થયા હતા.શક્તિ શાલિની’ માં જોરદાર એક્શનની સાથે સાથે એક ઈમોશનલ એંગલ પણ જોવા મળશે. આ ફિલ્મ 24 ડિસેમ્બર 2026 ના રોજ સિનેમાઘરોમાં રિલીઝ થઈ શકે છે.
અનીત પડ્ડા અને વિશાલ જેઠવાની આ ફ્રેશ જોડી પડદા પર શું કમાલ કરે છે તે જોવું રસપ્રદ રહેશે. ‘સૈયારા’ થી લોકપ્રિય થયેલી અનીત માટે આ ફિલ્મ કરિયરનો મોટો બ્રેક સાબિત થઈ શકે છે. મેડોક ફિલ્મ્સ તેના યુનિક કન્ટેન્ટ અને હોરર-કોમેડીના મિશ્રણ માટે જાણીતું છે, તેથી પ્રેક્ષકોમાં આ ફિલ્મને લઈને ભારે ઉત્સુકતા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
