News Continuous Bureau | Mumbai
બોલિવૂડ એક્ટ્રેસ શર્લિન ચોપરાનું નામ એક યા બીજા કારણોસર વિવાદ સાથે જોડાયેલું રહે છે. શર્લિન ચોપરા પોતાના નિવેદનોને લઈને ચર્ચાનો હિસ્સો બની રહે છે. તે ખુલ્લેઆમ પોતાની વાત બધાની સામે મૂકે છે. પરંતુ આ દરમિયાન શર્લિન ચોપરા વિશે મોટા સમાચાર સામે આવી રહ્યા છે. અભિનેત્રીની છેડતી કરવામાં આવી છે. જેના કારણે તેણે પોલીસમાં એફઆઈઆર નોંધાવી છે.
શર્લિન ચોપરાએ નોંધાવી ફરિયાદ
શર્લિન ચોપરાએ મુંબઈના જુહુ પોલીસ સ્ટેશનમાં એક ફાઈનાન્સર વિરુદ્ધ ફરિયાદ નોંધાવી છે. અભિનેત્રીએ ફાઇનાન્સર પર છેડતીનો આરોપ લગાવ્યો છે. ફરિયાદ અનુસાર, આરોપીએ શર્લિન ચોપરાને વીડિયો રેકોર્ડિંગ માટે પૈસા આપવાના બહાને તેની છેડતી કરી હતી. જ્યારે અભિનેત્રીએ આનો વિરોધ કર્યો તો ફાઇનાન્સરે તેની સાથે દુર્વ્યવહાર શરૂ કર્યો. આ સિવાય શર્લિન ચોપરાએ ફરિયાદમાં લખ્યું છે કે તે વ્યક્તિએ તેને જાનથી મારી નાખવાની ધમકી પણ આપી છે.શર્લિન ચોપરાની ફરિયાદ બાદ પોલીસે કેસ નોંધ્યો છે. જુહુ પોલીસે આરોપી વિરુદ્ધ IPCની કલમ 354, 506,509 હેઠળ કેસ નોંધીને તપાસ શરૂ કરી છે.
